1. Talabalar ilmiy tadqiqiy ishlarining maqad va vazifalari Talabalarning ilmiy tadqiqiy ishini tashkil qilishning asosiy yo‘nalishlari

Talabalar ilmiy tadqiqot ishlarining bosqichlari

Talabalar ilmiy tadqiqot ishlarini quyidagi bosqichlarga ajratish maqsadga muvofiq:
I. Quyi bosqich. Ushbu bosqich umumta'lim fanlarini o‘rganish davrida 1-, 2- bosqich talabalari bilan ishlashga qaratiladi. 1-, 2- bosqich talabalari bilan ish olib borilganida ularni ilmiy tadqiqot asos va unsurlari bilan tanishtirish, fundamental fanlarni chuqur o‘rganish bo‘yicha mustaqil ish ko‘nikmalarini rivojlantirish, tanlangan mutaxassislikka hurmat hissini tarbiyalash nazarda tutiladi. Bunda talabalar lmiy tadqiqot ishining shakllari quyidagilardan iborat bo‘ladi:
1. O‘rganilayotgan kurslarning alohida mavzularidan referat tayyorlash.
2. Ma'lum mavzu bo‘yicha bibliografiya tuzish.
3. O‘quv metodik qo‘llanma, jadval, maket, modellarni tayyorlashda ishtirok etish.
4. Kafedra vazifalari asosida chizma, sxema, plakatlarni tayyorlash.
5. Ma'ruza uchun mavzu bo‘yicha illyustratsiya materiallarini tayyorlashda
ishtirok etish. Ijtimoiy fanlar bo‘yicha har bir kursda bittadan referat yozish maqsadga muvofiq.
II. Yuqori bosqich. Bunda bitiruvchi, ixtisoslashgan kafedralar yordamida yuqori 3-, 4- bosqich talabalari bilan ishlash nazarda tutiladi. Ushbu bosqichda talabalar tadqiqot ishlariga bevosita jalb etiladi, ularga muayyan nazariy, eksperimental yoki konstruktor ishlanmalari beriladi. Odatda, bu tadqiqotlar bitiruvchi yoki ixtisoslik kafedralaridagi amaliy, laboratoriya, kurs yoki diplom ishlarini bajarish jarayonida hamda ishlab chiqarish amaliyotini o‘tashda amalga oshiriladi. Bu bosqichda talabalar metodologik masalalar bo‘yicha ilmiy xabar va referatlar tayyorlaydilar. Mazkur referat va ilmiy xabarlar kafedra majlislarida eshitiladi va muhokama qilinadi.
Talabalar lmiy tadqiqot ishining ikkala bosqichidagi majburiy unsuri - bu o‘qishdan tashqari paytda talaba ilmiy jamiyatining ilmiy to‘garaklaridagi faoliyatidir. Talabalarning eng yaxshi ishlari talabalar ilmiy konferentsiyasi, tanlovlarga tavsiya etilishi lozim. Talabalar lmiy tadqiqot ishlari barcha mutaxassislik o‘quv rejalariga o‘qituvchilarning ishchi rejalari hamda talabalar mashg‘ulot jadvaliga auditoriya mashg‘ulotlarining umumiy soati hajmi doirasida bajaritiriladi.

3.