1. Sug'urta lizingi va u haqida tushuncha

MAVZU:SUG’URTA VA LIZING KOMPANYALARI UCHUN DASTURIY TAMINOT

REJA:

1. 
   Sug’urta lizingi va u haqida tushuncha
   
2. 
   Sug’urtaning faoliyati
   
3. 
   Sug’urta shartnomasi
   
4. 
   Fakultativ qayta sug’urtalash
   

1.Sug'urta lizingi va u haqida tushuncha. Sugurta ob'ekt bo'lib, Lizing beruvchining va Lizing oluvchining mulkka egalik qilishi, uni o'z ixtiyorida saqlashi, undan foydalanishi, Lizing beruvchi va Lizing oluvchi o'rtasida tuzilgan lizing bitimining amal qilishi muddatida, sug'urta shartnomasida belgilangan sug'urta hodisasi yuz berishi natijasida unga zarar yetishi bilan bog'liq mulkiy manfaatlari hisoblanadi.

Sug'urta shartnomasida Sug'urta qildiruvchi sifatida Lizing beruvchi yoki Lizing oluvchi qatnashishlari mumkin.

Sug'urtaga lizing shartnomasi bo'yicha lizing ob'ekti hisoblangan mulk qabul qilinadi, ya'ni: binolar, inshoatlar, maxsus va qimmatbaho uskunalar, transport vositalari va boshqa sug'urta qoplamasi hududidagi binoda yoki ombor maydonchalarida joylashgan tadbirkorlik faoliyatida qo'llaniladigan harakatdagi va ko'chmas mulk.

Sug'urta shartnomasi lizing bitimining amal qilish muddati uchun tuziladi. Sug'urta bilan lizing ob'ektiga quyidagi xavf guruhlari (turlari) bo'yicha yuz bergan hodisalar natijasida yetkazilgan zarar qoplab beriladi:

- yong'in;

- uchinchi shaxslarning g'ayriqonuniy harakatlari;

- mexanik shikastlanish;

- suv toshishi;

- tabiiy ofatlar.

Sug'urta mukofoti sug'urta tariflari, xavflarning turi, soni va darajasidan kelib chiqib belgilanadi.

Sug'urta tovoni sug'urta hodisasi yuz berganligi fakti belgilangach, sug'urta dalolatnomasi tuzilgach, bu fakt taqdim etilgan hujjatlar bilan tasdiqlangach, hamda yetkazilgan zarar miqdori aniqlangach 10 (o'n) bank kuni davomida to'lab beriladi