1-sonli pedagogik kengash yig’ilishining bayonnomasi 2021-yil 30-avgust

MAVZU: “ILK QADAM” davlat o’quv dasturi
bo’yicha mashg’ulotlarni o’tkazishda rivojlantiruvchi markazlarni tashkil etish va markazlarda ishlash yuzasidan tavsiya.
“Qaysi sohani olmaylik,biz zamonaviy yetuk kadrlarni tarbiyalamasdan turib biron-bir o’zgarish farovon
hayotga erisha olmaymiz.Bunday kadrlarni, millatning
sog’lom genofondini tayyorlash avvvlo taktabgacha ta’lim
muassasalaridan boshlanadi.
Sh.M.Mirziyoyev

Maktabgacha ta’lim tashkilot– bu o’ziga xos olam,unda bola o’zini qulay, xavfsiz va manzur sezishi lozim. O’sish va rivojlanish sharoitlari mohiyati juda oddiydir. O’sib kelayotgan yosh avlodni ehtiyotkorlik bilan zinama-zina –tepaga-rivojlanish zinapoyasidan olib boradilar. Biz esa faqatgina ushbu harakatning xususiyatlarini tushunishimiz va bolani vaqtida qo’llab-quvvatlash, ushbu o’sish uchun muvofiq sharoit yaratishimiz darkor.

Buborada ta’lim jarayoni muxim ahamiyatga ega. “Ilk qadam”davlat dasturi maktabgacha ta’lim tizimini takomillashtirishda ilk dadil qadam hisoblanadi.
O’zbekiston Respublikasi Maktabgacha ta’lim Vazirining 2018 yil
18 iyundagi 1/mh-sonli buyrug’i bilan tasdiqlangan va Adliya vazirligidan 3031 – raqam bilan ro’yhatdan o’tgan “O’zbekiston Respublikasining Ilk va maktabgacha yoshdagi bolalar rivojlanishiga qo’yiladigan Davlat talablari” hamda Maktabgacha ta’lim vazirligining 2018 yil 7 iyuldagi 4-sonli Hay’at qarori bilan tasdiqlangan «Ilk qadam» o’quv dasturi tasdiqlandi.
Maktabgacha ta’lim tashkilotining “ILK QADAM” davlat o’quv dasturi O’zbekiston Respublikasining ilk va maktabgacha yoshdagi bolalarni rivojlantirish borasidagi Davlat talablariga muvofiq ishlab chiqilgan me’yoriy-huquqiy hujjat bo’lib, unda maktabgacha ta’lim tashkilotining maqsad va vazifalari, o’quv-tarbiyaviy faoliyatning asosiy g’oyalari ifodalangan, shuningdek, bolaning ta’limning keyingi bosqichiga o’tishidagi asosiy kompetensiyalari belgilangan.
Yangi avlod dasturining afzalliklari shundaki, mazkur dastur 3- 7 yoshgacha bo’lgan bolalar uchun ishlab chiqildi va bolaning shaxsini rivojlantirishga yo’naltirildi. Shuningdek, dastur kompetentlik asosida ishlab chiqildi. Ilk bora MTTda mavzulirejalashtirishbelgilandi.Ilk bora bolani rivojlantirish xaritasi tavsiya etildi. Bundan tashqari xar bir MTT o’zining variativ dasturini ishlab chiqish imkoniyatig ega bo’ldi.
Mazkur dasturda o’quv tarbiya jarayoni bola qobiliyati va layoqatini har tomonlama rivojlantirish,ular shaxsini shakllantirishga qaratilgan.Mazkur jarayonning mahsuldorligi pedagogning bolalarni yaxshi bilishi,ta’lim-tarbiyaning hilma-hil metodlarini qo’llashga bog’liq. Maktabgacha ta’lim tashkilotlarini o’yinchoqlar, bola yoshiga mos o’quv dasturlar, tarqatma materiallar,mebel jixozlar va AKT texnik vositalar bilan jixozlash me’yorlari asosida maktabgacha ta’lim tashkilotlari turli yosh guruxlarida rivojlantiruvchi muxit shunday tarzda yaratilishi kerakki, u bolaga mustaqil tanlash imkonini beradi. Har bir gurux xonasi bir necha markazlarga bo’linadi. Rivojlantiruvchi erkin faoliyat markazlar bolalarga o’zlarining shaxsiy ko’nikma va qiziqishlaridan kelib chiqqan holda ta’lim jarayonini mustaqil o’zlashtirish imkonini beradi.