1-синф Мавзу: “Биз ёқтирган куйлар”

овоз созлаш машқларига ўтилади. Бунда ми, ре, до ноталарини ми, ля, да бўғинларини аста-аста 0,5 тонга кўтариб, биринчи октава “до” дан иккинчи октава “до” гача олиб борилади. Машқ 3 маротаба такрорланади.
(“Азиз бўстон-Ўзбекистон” М.Мирзо шеъри, Д.Омонуллаева мусиқаси қўшиғининг клавир варианти берилади)
Қўшиқни ўргатишдан олдин ўқитувчи уни ифодали қилиб жонли овозда, фортепиано ёрдамида куйлаб беради. Ўқувчилар билан суҳбат ўтказиб уларни қўшиқни қанчалик тушунганликларини аниқлайди. Юқоридаги қўшиқ куйлаб бериш жараёнини 3 мараотабагача такрорлайди.
Мазкур қўшиқни ўқувчиларга ўргатишда икки хил усулдан фойдаланиш мумкин (синфнинг қабул қилишига кўра). Аввал банд кейин нақарот ёки аввал нақарот кейин банд.
1.Ўқувчиларга қўшиқни ўргатишда аввал қўшиқни биринчи бандининг биринчи қаторини шеър қилиб ифодали ўқиб бериб, ўқувчилардан такрорлашларини сўрайди. Кейин иккинчи мисрасини хам шундай такрорлайдилар. Икки мисра умумлаштирилиб, яна 3 маротаба такрорланади. Кейин мазкур мисраларни ўқитувчи аввал ўзи соф товушда хатосиз аниқ куйлаб беради, сўнг ўқувчилар билан куйга қўшиб фортепиано жўрлигида 3 маротаба куйлаб мустахкамланади. Мазкур жараён кейинги икки мисраларда ҳам такрорланади, натижада қўшиқни бир банди хам ёд олинади, хам куйга солинади.
2. Нақороти икки мисрадан иборат булгани учун уни ёд олиш қийинчилик туғдирмайди. Бу ерда хам аввал ўқитувчи сўзини шеър сифатида ифодали айтиб бериб ўқувчилар билан 3 маротаба такрорлаб, кейин куйга солиб юқоридаги каби ўргатади.
Қўшиқни ўргатиш жараёнида ўқувчиларнинг аниқ ва соф товушда куйлашларини назорат қилиб бориш муҳимдир. Чунки ўқувчилар бир маротаба нотўғри куйласалар, уни қайта тўғрилаш анча мушкул бўлади. Чунки ўқувчилар онгига биринчи ўрнашган оҳанг мустаҳкам бўлади. Ўқитувчи эса асло нотўғри куйлашга, хато қилишга хаққи йўқдир.
1-банд ва нақаротни ўрганиб бўлгач уни куйига чапак билан жўр бўлишни ўргатилади. Бунда ўқитувчи қўшиқ куйни фортепиано ижорсида чалиб, ўқувчилар эса кучли хиссаларга чапак билан жўр бўладилар.

Ўтилган мавзу бир бор такрорланиб, уйга вазифа ватан хақида расм чизиб келиш ҳамда нота дафтар олиб келиш.

Ғаниева Гулнора Абдувотовна- “Мусиқа, санъат, меҳнат таълими, жисмоний

камолот ва саломатлик” бўлими бош методисти. Тел.[phone]; уяли ([phone].