445
O’SIMLIKLARNI HIMOYA QILISHDA ISHLATILADIGAN KIMYOVIY
VOSITALAR
O’simliklarni kasalliklar, zararkunandalar va begona o’tlardan asrash
uchun ishlatiladigan kimyoviy moddalarning umumiy atamasi pesticid
(lotincha pestis — zahar, sid — o’ldirmoq, yo’q qilmoq degan so’zlardan
olingan) bo’lib, ular kimyoviy tarkibi, qaysi maqsadlar uchun
qo’llanishiga qarab, shuningdek zararkunandalar or-
ganizmiga o’tish usuli hamda qanday ta’sir qilishiga qarab guruhlarga
bo’linadi (klassifikaciya qilinadi).
Kimyoviy tarkibiga ko’ra pesticidlarning uchta asosiy guruhi qayd
qilinadi:
1.
Anorganik birikmalar (margimush, mis, rux, ftor, bariy, simob,
oltingugurt birikmalari, shuningdek xloratlar va boratlar).
2.
O’simliklar, baktyeriyalar zamburug’lardan olinadigan pesticidlar
(pirstiroidlar, anabazin, nikotin, baktyerial preparatlar, antibiotiklar va
boshqalar).
3.
Organik birikmalar. Mazkur guruhga taalluqli pesticidlar fiziologik
ta’siri jihatdan juda aktiv bo’lgan moddalarni tashkil qiladi. Bu guruhga
tegishli moddalar quyidagilarni o’z ichiga oladi:
a) xlororganik birikmalar (geksaxlorciklogeksan, polixlorpinen,
polixlorkampfen, geptaxlor, keltan, efir sul’fonat, DDT, azotoks, ditoks,
geklatoks va boshqalar);
b) fosfororganik birikmalar (metafos, trixlormetafos-3, metilnitrofos,
rogor, karbofos, DDVF, cidial, fazalon, ftalafos, kil’val’, antio,
metilmyerkaptafos, sayros, metation, bazudin va boshqalar);
v) karbomat kislota, tio va ditiokarbominat kislota hosilalari (sevin, -
karbation, eptam, IFK, xlor IFK, cineb, ciram, TMGD va boshqalar);
g) fenollarning nitro hosilalari (DNOK, dinitroortokrezol, nitrofen,
pentoxlorfenol, pentoxlorbenzol, pentoxlornitrobenzol va boshqalar);
446
d) ftalamidlar (kaptan, ftalan va boshqalar);
e) minyeral moylar va yana boshqa turdagi kimyoviy ta’sirchan
moddalar.
Pesticidlar qavday maqsadda qo’llanilishiga qarab quyidagi
guruhlarga bo’linadi:
1. O’simlik zararkunandalariga qarshi qo’llaniladigan ta’sirchan
vositalar: insekticidlar (insectum — hasharot, sid —o’ldirmoq,
yo’q qilmoq degan so’zlardan olingan) nomi bilan yuritiluvchi moddalar,
o’z navbatida hasharot va kanalarning tuxumlarini quritish, yo’q qilish
uchun ishlatiladigan akaricidlar (asarius — kana) va lichinkalarni yo’q
qiladigan lavricidlar, dumaloq chuvalchanglarni qirish uchun
ishlatiladigan moddalar — nematocidlar (nematos); shilliq qurtlar va
buzoqboshilarni nobud qiladigan limacidlar (lima — shilliq qurt);
kemiruvchi hayvonlarni o’ldirish uchun ishlatiladigan pesticidlar bo’lmish
zoocidlar (zoon — hayvon) kabi ta’sirchan moddalar turi qayd qilinadi.
2. O’simliklarning zamburug’lar va baktyeriyalardan paydo
bo’ladigan kasallanishiga qarshi ishlatiladigan moddalar: f u n g i -cidlar
va baktyericidlar. Mazkur turkum moddalardan urug’liklarni, ekinlarni va
tuproqni dorilashda keng ko’lamda foydalaniladi.
Begona, yovvoyi o’tlarga qarshi ishlatiladigan ta’sirchan kimyoviy
modda turlari — gyerbicidlar nomi bilan yuritiladi.
3.
Paxta hosilini mexanizaciya vositasdda yig’ib-tyerib olishga
g’o’zalarni tayyorlash maqsadida o’simlik barglarini sun’iy yo’l bilan
to’kish uchun ishlatiladigan moddalar — defoliantlardir.
4.
O’simliklarni qovjiratib, ildizini quritish uchun ishlatiladigan
kimyoviy moddalar— desikantlardan ham foydalaniladi.
5.
Xalaqit byeradigan ortiqcha dov-daraxtlarni quritish uchun
ishlatiladigan ta’sirchan kimyoviy moddalar — arboricidlardir.
447
6.
Suv o’tlarini yo’qotish uchun ishlatiladigan ta’sirchan kimyoviy
moddalar-al’gicidlar deyiladi.
Pesticidlar qaysi maqsadda ishlatilishiga qarab shartli ravishda
guruhlarga bo’lingan. CHunki talaygina pesticidlar ko’p tomonlama ta’sir
ko’rsatish xususiyatiga ega. Ular zararkunanda hasharotlar, ularning
tuxumi, g’umbak-lichinkalarini ham nobud qila oladi. Bir qator
gyerbicidlar normadan ortiq ishlatilsa, u holda mazkur moddalar dov-
daraxtlarni, shuningdek boshqa o’simliklarni ham quritishi mumkin.
Pesticidlar zararkunandalar organizmiga qanday yo’l bilan tushishi,
qanday ta’sir ko’rsatishiga qarab og’iz orqali va muloqat yo’li bilan ta’sir
ko’rsatadigan pesticidlarga va fumigantlarga bo’linadi.
Kimyoviy ishlov byerilganda pesticidlar hasharot va lichinkalar
ichagiga og’iz orqali tushadi. Bu xodisa ular zaharli kimyoviy moddalar
sepilgan o’simliklar bilan oziqlanayotganda sodir bo’ladi. Bevosita
muloqat yo’li bilan ta’sir qiladigan pesticidlar zararkunandalar organizmiga
tanasi orqali o’tadi.
Pesticidlarning fumigantlar deb ataladigan turi hasharotlar va
zararkunanda jonivorlarga gaz yoki bug’ ko’rinishida nafas yo’llari orqali
o’tib, o’z ta’sirini ko’rsatadi.
Pesticiddarning bunday tavsifi shartli hisoblanadi, chunki bir qator
zaharli kimyoviy moddalar bir vaqtning o’zida ham og’iz orqali ham
muloqat yo’li bilan ta’sir etish xususiyatiga ega.
Hozirda juda ko’p pesticid namunalari beeosita o’simlik orqali ta’sir
ko’rsatib yaxshi samara berishi bilan qishloq xo’jaligida keng
qo’llanilmoqda. Ular o’simliklar tanasiga tez ta’sir qilib, zararkunanda
hasharotlar — tripslar, kanalar, o’simlik bitlari va boshqalarga ozuqa
bo’ladigan o’simlik shiralarini ma’lum davrgacha zaharlab qo’yish
xususiyatiga ega. Zaharlangan shiralar bilan oziqlangan zararkunanda
hasharotlar tez qiriladi. Og’iz orqali ta’sir ko’rsatadigan anorganik
448
insekticidlardan kemiruvchi hasharotlar (g’umbaklar, qo’ng’izlar,
chigirtkasimon hasharotlar va boshqalar)ni nobud qilish uchun
foydalaniladi, bevosita o’simliklarga ta’sir ko’rsatadigan organik asosga
ega bo’lgan insekticidlar esa asosan so’ruvchi hasharotlar (o’simlik bitlari,
tripslar, shuningdek o’simlik-kanalari)ga qarshi ishlatiladi.
Zararkunandalarga o’simlik orqali ta’sir ko’rsatadigan pesticidlarning
afzalligi shundaki, ular ishlatilganda foydali, ya’ni zararkunandalarning
kushandasi bo’lgan hasharotlar va parazitlar zaharlanishdan asrab qolinadi.
Ammo mazkur pestididlarning aksariyati odam va hayvonlarning
favqulodda zaharlanib qolishiga sabab bo’ladi. Zaharlanish holati
pesticidlar tasodifan og’izga tushib qolgandagina yuz byermasdan, balki
tyeriga tushib qolganida ham sodir bo’ladi, sababi bu pesticidlar
shikastlanmagan tyeri orqali ham or-ganizmga osonlik bilan o’tishi
mumkin.
SHunday qilib, pesticidlar faqat o’simlik zararkunandalariga zaharli
ta’sir etibgina qolmasdan, balki boshqa tirik organizmlarga ham, ya’ni
odam, hayvon va parrandalar organizmiga ham zaharli ta’sir qiladi.
Pesticidlar barcha organizmlar uchun zaharli ekani tufayli, qishloq
xo’jaligida o’simliklarni har qanday zararkunandalardan muhofaza etishda,
kasalliklariga barham berishda va boshqa maqsadlar uchun qo’llanuvchi
barcha kimyoviy ta’sirchan moddalar qo’llanishga tatbiq etilishidan oldin
har tomonlama chuqur tekshiruvlardan o’tkazilib, turli jihatdan sinab
ko’rilishi shart. Zaharli kimyovrsh moddalarga baho berish deganda ana
shu atroflicha tekshiruv va sinovlarda qo’lga kiritilgan ma’lumotlarga
asoslanib chiqariladigan yakun — xulosa ko’zda tutiladi.
Pesticid namunasiniig ustidan o’tkaziladigan tadqiqot, tekshi-ruv va
sinovlar asosan ikki maqsadni ko’zlab olib boriladi: birin-chidan, kimyoviy
modda qishloq xo’jaligida igalatilganda uning qan-chalik samara berishi
mumkinligini aniqlash maqsadida, ikkinchidan odam va hayvonlar
449
organizmiga tushib qolgudek bo’lsa, qanchalik zaharli ta’sir ko’rsata
olishiii aniqlash maqsadida olib boriladi.
Kimyoviy yo’l bilan sintez qilingan har bir zaharli kimyoviy
moddaning qanday samara berishi dastlab qishloq xo’jalik
muassasalarining laboratoriyalarida, tajriba uchastkalarida, maxsus
maydonlarda sinab ko’riladi. Sinov natijalari ijobiy bo’lib chiqsa, mazkur
kimyoviy modda kolxoz va sovxoz ekin maydonlarida ham sinab ko’rishga
topshiriladi.
Ta’sirchan kimyoviy moddani ekin maydonlarida sinab ko’rish uchun
davlat sanitariya inspekciyasidan tegashli ruxsat olingan bo’lishi va sinov
yashlari o’sha kimyoviy modda uchun belgilangan vaqtinchalik —
muvaqqat instrukciyalarga muvofiq olib borilishi darkor. Modomiki
shunday ekan, ta’sirchan kimyoviy moddani gigiena va toksikologaya
jihatidan tekshirish ekin maydonlarida sinab ko’rishdan avval boshlanadi.
Pesticidlar tekshirilganda, uning turli hayvonlar uchun qanchalik zaharli
ekanligi tajriba yo’li bilan amalda aniqlanadi.
Olib borilgan mazkur tajribalarda moddaning hayvonlarga
ko’rsatadigan mahalliy (ayrim organlarga) va umumiy (butun organizmga)
ta’siri, jumladan nafas yo’llari, me’da-ichak yo’li, shikast etmagan tyeri va
shilliq pardalar orqali yaxshi so’rilish-
so’rilmasligi aniqlanadi va shu yo’sinda uning qay darajada zaharliligi
belgilanadi.
Har bir pesticid namunasining organizm uchun zaharlilik darajasini
belgilash uchun toksikologiyada eng kam zaharli doza, o’ldiradigan eng
kam doza, o’ldiradigan o’rtacha doza, o’ldiradigan eng kam doza,
o’ldiradigan o’rtacha doza, o’ldiradigan eng katta — absolyut doza deb
nomlanuvchi iboralardan foydalaniladi.
3 a h a r deb organizmga juda oz miqdorda tushganida ham uning
to’qimalariga ta’sir qiladigan va uning normal hayot faoliyatini izdan
chiqaradigan moddaga aytiladi.
450
Zaharlanish — organizmga zaharli modda ta’sir etganida
organizmning normal hayot faoliyati buzilib, kasal bo’lib qolishidir.
Zaharlilik, ya’ni toksiklik deb kimyoviy moddalar (pesticidlar) ning
organizm hayot faoliyatini qanchalik izdan chiqarib, zaharlay olishiga
aytiladi. Toksiklik — moddaning hayot bilan chiqisha olmaslik mezoni
turli kattaliklar bilan belgilanadi
1
. Biror pesticidning toksikligi uning
kimyoviy hamda fizik-kimyoviy xossalariga bog’liq bo’ladi va muntazam
o’zgarib turadi. Zaharlanish, ya’ni organizmda ro’y byeradigan o’zgarishlar
zaharlarning organizmga ta’sir qilishini belgilab byeradigan bir qancha
shart-sharoitlarga bog’liq. Zaharning dozasi, organizmga qanday o’tishi,
qancha muddat ta’sir qilayotgailigi, organizmning ahvoli va boshqalar ana
shunday shart-sharoitlarning eng muhimlari hisoblanadi.
Zaharli moddalarning ta’sirini belgilab byeradigan asosiy omillardan
biri ularning qanday doza yoki koncentraciyada organizmga ta’sir
qilishidir. «Zahar» tushunchasining o’zi hamisha moddaning dozasi,
miqdori, ta’sir etish vaqtining qisqa va uzunligiga aloqador bo’ladi.
D o z a deb zaharning ma’lum og’irlik yoki hajm birliklarida ifoda
qilinadigan miqdoriga aytiladi. Odatda u mg/kg bilan belgilanadi.
Koncentraciya deb pesticidniyag turli (havo, suv, qon va boshqalarda)
sharoitda suyulish darajasiga aytiladi va mg/l va mg/m
3
lar bilan
ifodalanadi.
Zaharli kimyoviy moddalar organizmga xoh bir yo’la kirgan bo’lsin,
xoh ko’p marta qayta-qayta kirgan bo’lsin, ularning ta’sirchan miqdori
bo’sag’a dozasi, toksik doza va o’ldiradigan dozaga bo’linadi.
Bo’sag’a doza yoki koncentraciya deb kimyoviy moddaning
organizmni fiziologik funkciyalarida o’ta sezgir tekshirish metodlaridan
foydalanilganda qayd qilinadigan ma’lum o’zgarishlarni keltirib
chiqaruvchi eng kam miqdorga aytiladi. Bo’sag’a miqdori tufayli izdan
chiqqan fiziologik funkciyalar tez orada tiklanib asl holiga qaytadi.
451
___________
1Quyiga qaralsin.
Toksik —zaharli miqdor (yoki koncentraciya) ma’lum klinik belgilar
bilan o’tadigan ro’y-rost zaharlanish hodisasiga sabab bo’ladi.
O’ldiradigan doza (yoki koncentraciya) zaharlanish hodisasini o’lim
bilan tugashiga olib keladi. Mutlaqo o’ldiradigan doza (koncentraciya)
zaharli moddaning hamisha o’limga olib keladigan eng kam miqdori
(dozasi, koncentraciyasy)dir
.
O’ldiradigan o’rtacha doza yoki koncentraciya
(LD yoki LK),
bu
50 50
tajriba uchun zaharlangan hayvoilarning 50 %i ni o’ldiradigan
dozadir. O’ldiradigan o’rtacha doza probit-analiz usuli bilan hisoblab
chiqiladi.
Odatda turli zaharlarning bo’sag’a, toksik va o’ldiradigan doza hamda
koncentracilarini bir-biriga solishitrib ko’rish yo’li bilan o’sha
moddalarning qanchalik zaharliliga to’g’risida fikr yuritiladi.
Pesticidlarning zaharlilik darajasini belgilash uchun boshqa
tushunchalardan ham foydalaiiladi.
Surunkali (xronik) ta’sir dozasi deb pesticid o’tkir bo’sag’a
miqdorining surunkali ta’sir bo’sag’asi nisbatiga aytiladi.
Ekin maydonlarida pesticidlarning qo’llanilishi dehqonlarning
salomatligiga salbiy ta’snr qilmasligi lozim.
Pesticidlar ishlatiladigan zona havosidagi uning yo’l qo’ysa
bo’ladigan koncentraciyasi —odam organizmida o’zgarishlarga sabab
bo’lmaydigan koncentraciyadir.
Yo’l qo’ysa bo’ladigan qoldiq miqdor—oziq-ovqat mahsulotlari
organizmga tushganda fiziologik normal holatni buzmaydigan miqdordir.
Zahira koefficient (xavfsizlik indeksi, ishonchlilik koefficienti) —-
surunkali ta’sir bo’sag’asining yo’l qo’ysa bo’ladigan eng katta
koncentraciyaga nisbati hisoblanadi.
Toksikologiya (yunoncha — zahar, ta’limot, o’rganish degan
452
so’zlardan olingan) zaharlanish hodisalarining oldini olish va davolash
uchun samarali vositalarni qidirib topish maqsadida zaharli moddalar
hamda ularning hayvon organizmida keltirib chiqaradigan patologik
o’zgarishlarini o’rganadigan fandir. Zaharli moddalar to’g’risidagi fan
sifatida toksikologiya aslida shu moddalarga aloqador jami masalalar
kompleksini o’z ichiga oladi. Biroq, uning asosiy mazmuni zaharli modda
tufayli organizmda ro’y byeradigan patologik jarayonlar (zaharlanish
hodisasi) mohiyatini o’rganishdan iborat. Toksikologiya — tirik organizm
bilan kimyoviy agent o’rtasida bo’ladigan o’zaro ta’sir turlaridan birini
o’rganuvchi fandir. Toksikologiya matyeriya harakatining ikki shakli —
kimyoviy shakli hamda biologik shaklining o’zaro ta’sir jarayonlarini
o’rganadi.
Toksikologiya fanining yutuqlaridan kommunal gigiena sohasida keng
ko’lamda foydalaniladi. Jumladan bu atmosfera havosi yoki suv havzalari
uchun zaharli moddalarning ruxsat etiladigan miqdorini ishlab chiqishda
juda zarur.
Toksikologiya fanining eng muhim vazifasi moddalarning zaharlilik
darajasini ilmiy asosda aniqlash, ular organizmga bir marta yoki qayta-
qayta ta’sir ko’rsatganda ro’y byeradigan zaharlanish manzarasini
tasvirlash, organizmdagi ayrim funkciyalarning qanday bo’lmasin biror
a’zo yoki sistemaning boshqalardan ko’proq yoki kamroq zararlanipshni
topish va ularni patomorfologik jihatdan ta’riflab berishdir.
Toksikologiyaning yana bir vazifasi zaharlar kuchini kesadigan
(kamaytiradigan) moddalar, ya’ni kuchli ziddi-zaharlarni qidirib topish,
shuningdek zaharlanish hodisalarini oldini olish usullarini ishlab chiqishdir.
Toksikologiyaning eng muhim va shu bilan birga qiyin masalalaridan biri
moddalarning organizmga ko’rsatadigan zaharli ta’sir mexanizmini
o’rganish ve zaharning biologik ta’siri asosida yotuvchi birlamchi
biokimyoviy reakciyalarni aniqlab olishdir.
453
Zaharning organizmni qanday o’zgarishlarga olib borishi ko’p
jihatdan uning organizmda qanday o’zgarishlarga uchrashiga bog’liq.
Ma’lum vaqt mobaynida organizmga tushgan zahar undan tashqariga
chiqariladigan va zararsizlantiriladigan miqdoridan kam bo’lsa, u
organizmda asta-sekin to’planib boradi. YA’ni kumulyaciya jarayoni
vujudga keladi. Kumulyaciya jarayoni moddiy va funkcional holatda
kechadi.
Moddiy kumulyaciya — bu, organizmda zaharning to’planib borib,
organizm to’qimalari bilan mahkam birikishi va ularda qaytmas
o’zgarishlar keltirib chiqarishidir. Moddiy kumulyaciyaga olib boradigan
zaharlar uchun koncentraciya (doza)ning ahamiyati yo’q, bunday zaharlar
uchun ularning nechog’li uzoq ta’sir qilib kelayotgani, ya’ni vaqt katta
ahamiyatga ega.
Funkcional kumulyaciya — zaharning organizm hujayra va
to’qimalariga ko’rsatadigan ta’sirining to’planib borishidir. Bunda
to’qimalarda asliga qaytmas o’zgarishlar kelib chiqmaydiyu, lekin,
zaharning ular funkciyasiga ko’rsatadigan ta’sir kuchi ortib boradi. Bu
guruhga kiradigan zaharlar uchun ularning koncentraciyasi (dozasi) hal
qiluvchi ahamiyatga ega bo’ladi. Koncentraciya bo’sag’a
koncentraciyasidan past bo’lsa, organizmda fiziologik o’zgarishlar yuzaga
kelmaydi.
Keyingi vaqtlarda qishloq xo’jaligida turli pesticid aralashmasidan
foydalanish keng tus olmoqda. Modomiki shunday ekan, pesticidlar
organizmga aralash mujassam ta’sir ko’rsatishi ham mumkin. Pesticidlar
aralashmasining ta’siri o’zining tabiati hamda kuchi jihatidan o’sha
foydalanilayotgan aralashma tarkibiga kiradigan ayrim zaharlar ta’siridan
ancha boshqacha bo’lishi mumkin.
Agar bir nechta zaharli modda birgalikda organizmga ta’sir
ko’rsatadigan bo’lsa, sinyergizm (ta’sirning kuchayish hodisasi) yoki
454
antagonizm (ta’sirning susayib qolishi) yoki additiv ta’sir hodisalari sodir
bo’lishi mumkin.
Sinyergizm deganda aralashma ta’sirining uning tarkibiga kiradigan
har bir modda ta’siridan kuchli bo’lishi ko’zda tutiladi.
Boshqacha qilib aytganda, sinyergazmda pesticid aralashma
tarkibidagi ayrim moddalarning ja’midan ko’ra kuchliroq ta’sir ko’rsatadi.
A d e k t i v t a ‘ s i r deb aralashmaning undagi har bir tarkibiy qism
ta’siri bilan teng ta’sir ko’rsatishiga aytiladi.
Fanda moddalarning fiziologik antagonizmi deb aralashmaga
kiradigan ayrim moddalarning ma’lum a’zo, fiziologik sistema va
regulyator mexanizmlarga qarama-qarshi ta’sir ko’rsatishi yoki funkcional
jihatdan bir-birdga zid ishlaydigan elementlar (masalan, funkciyalarni
stimullash, susaytirish)ga bir xil ta’sir ko’rsatishi tushuniladi.
Odatda kimyoviy antagonizm deb aralashma tarkibiga kiradigan
moddalarning o’zaro reakciyaga kirishib, kam zaharli yoki bezarar
birikmalar hosil qilish xususiyatiga aytiladi. Biroq, pesticidlar
aralashmasiga tatbiqan olganda buning ahamiyati yo’q, chunki aralash-
malar tayyorlashda moddalarning bu xususiyati inobatga olingan bo’ladi.
Do'stlaringiz bilan baham: |