1 Рўзиев А. О. – Тми

www.interfinance.uz  4 
ахборот-коммуникация 
технологияларини 
жорий 
этишни 
янада 
ривожлантириш тўғрисида”ги Фармойиши бу йўналишдаги муҳим ҳужжатлар 
қаторига кирди. Ҳозирги кунда “2013-2020 йилларда Ўзбекистон Республикаси 
Миллий ахборот-коммуникация тизимини ривожлантириш комплекс дастури” 
изчил амалга оширилмоқда.
Шунингдек, республикамизда
АТ-саноати салоҳиятини кучайтириш
2015 йил 4 февралдаги фармонга мувофиқ ташкил этилган Ўзбекистон 
Республикаси 
Ахборот 
технологиялари 
ва 
коммуникацияларини 
ривожлантириш вазирлигига юклатилган бўлиб, мазкур йўналишда босқичма-
босқич амалга оширилаётган ислоҳотлар самарадорлигини юксалтириш 
йўлидаги навбатдаги муҳим қадам бўлди. Шу билан бирга, 2002 йилдан буён 
давлат бошқаруви, иқтисодиёт ва ижтимоий соҳанинг барча тармоқларида 
компьютерлаштириш ва АКТни жорий этиш миллий дастурини ишлаб чиқиш 
ҳамда амалга оширишга ҳамкорлик қилувчи UZINFOCOM компьютер ва 
ахборот технологияларини ривожлантириш ва жорий этиш маркази фаолият 
юритиб келади.
 
Ўтган йиллар мобайнида Интернет, мобил алоқа ва бошқа йўналишларни 
ривожлантириш, маҳаллий иқтисодиётни модернизация қилиш юқори 
технологик базасини шакллантириш бўйича тизимлашган ишлар олиб борилди. 
Телекоммуникация технологиялари, тармоқ ва алоқа инфраструктурасини 
ривожлантиришнинг ҳозирги босқичи кенг полосали фиксирланган ва мобил 
кириш тизимларини кенгайтириш, маълумот ва овозли трафикларни узатиш 
коммутация марказларини кўпайтириш, магистрал тармоқларни модернизация 
қилиш, мультимедиа хизматларини ривожлантириш инфратаркибини яратиш 
билан ажралиб туради. 
Интернетдан фойдаланувчиларга кенг имкониятлар яратиш мақсадида, 
олиб борилган чора-тадбирлар натижасида Ўзбекистондан ташқи интернет-
магистралларга уланиш тезлиги 01.01.2017 йил ҳолатига 54.9 Гбит/сга 
етказилди, яъни, 01.01.2007 йилдаги 0,2 Гбит/сга нисбатан кейинги ўн йилликда 
420 марта ошишига эришилди (2-расм). Шу билан бирга, ундан фойдаланиш 
нархи сезиларли камайтирилмоқда. 

---

“Халқаро молия ва ҳисоб” илмий электрон журнали. № 6, декабрь, 2017 йил