1 Рўзиев А. О. – Тми

6-расм. Давлат ахборот тизимларини ривожланиб бориш кўрсаткичлари 
(дона) 
Ахборотлаштириш ва АКТни жорий этишда бошқарув жараёнлари 
автоматлаштириш даражаси узлуксиз ривожлантирилмоқда. Ахборотлаштириш 
жараёни мониторингини олиб бориш мақсадида nis.uz тизими ишга туширилиб, 
тизимда 45 давлат органи рўйхатдан ўтган. 
Мамлакатда миллий дастурий маҳсулотлар бозорини ривожлантириш 
жараёнида маҳаллий дастурчиларни рағбатлантириш мақсадида дастурий 
таъминот ишлаб чиқувчиларнинг миллий реестри яратилиб, фуқаро ва бизнесга 
зарурий маълумотларни тақдим этувчи Software.uz – дастурий маҳсулот ишлаб 
чиқувчилар каталоги ишлаб чиқилди. 2017 йил январь ҳолатига кўра дастурий 
маҳсулот ишлаб чиқувчи 360 компания ўз маҳсулотларини таклиф этиб 
келмоқда (7-расм).
7-расм. Дастурий маҳсулотлар ишлаб чиқиш соҳасида фаолият олиб 
бораётган хўжалик субъектлари сонидаги ўзгаришлар (дона) 
Республикамизда “Электрон ҳукумат” тизимини шакллантириш ва 
ривожлантириш учун узлуксиз ишлар олиб борилмоқда, Ўзбекистон 
Республикаси Ҳукумат портали (gov.uz) ва Интернет тармоғида my.gov.uz 
манзилида жойлаштирилган Ягона интерактив давлат хизматлари портали 
йўлга қўйилгандан буён бу тизимлар устувор йўналишлар қаторида узлуксиз 
ривожлантириш билан бирга такомиллаштириб борилмоқда ва бу жаҳон 
ҳамжамияти томонидан эътироф этилмоқда. Хусусан, электрон ҳукуматни 
ривожлантириш ва электрон иштироки рейтингида Ўзбекистон 2016 йилда 2014 
йилга нисбатан мос равишда 20 поғона илгарилаб, 193 Давлат ичида 80- ўринни 
эгаллади ва Электрон иштирок индекси (E-Participation Index, EPART)даги 
ўрнини 24 пунктга яхшилаб 71- ўриндан 47- ўринга қадар кўтарилди (1-
жадвал).

---

“Халқаро молия ва ҳисоб” илмий электрон журнали. № 6, декабрь, 2017 йил 
www.interfinance.uz  9 
1-жадвал