1. Rejalash asboblaridan foydalanish

Talabalar duch keladigan iyinchiliklar va yul kuyadigan xatolar xamda ularning oldini olish
Metall qirqishda talabalar uchun asosiy qiyinchilik aniq zarb berishni o‘rganishdan iborat. Bu ish, eng avvalo, panja zarb berish usulini o‘zlashtirishni talab qiladi. Kuch ishlatib zarb berishdan qochish kerak. Butun e’tibor siltov va zarb to‘g‘ri bajarilishiga qaratilishi lozim. Faqat to‘g‘ri va aniq zarb berishga o‘rganilgandan keyingina zarb kuchi oshib boradi. Shuni esda tutish kerakki, qirqishdagi zarb kuchi bolg‘acha bilan zubilo o‘qi bo‘ylab anik, zarb berilgandagina hosil bo‘ladi, bunga esa birdaniga erishib bo‘lmaydi.
Qirqish paytida talabalar odatiy hatolarga yo‘l qo‘yadilar: bolg‘acha dastasining o‘rtasidan ushlash bilan zarb kuchini kamaytiradilar (bunda dastaning chikib turgan qismi ishlashga halal beradi), chap qo‘l bilan esa zubiloning qirkuvchi qismiga yaqin joyidan ushlanadi (bu holda zubiloning kattagina qismi tashqariga chiqib turganligidan zarb ham noaniq bo‘ladi). Talabalar ko‘pincha qirqish sur’atini buzadilar: odatda, keragidan 2-3 marta tezroq qirqishadi. Ishlovchi o‘ng qo‘lining mushaklari siltov oxirida ham, zarbdan keyin ham bo‘shashmaydi: bolg‘achaning orqaga berishidan dam olish uchun foydalanilmaydi, natijada u tez charchab qoladi. Shunday qoida mavjud: panja zarb tez sur’atda, tirsak va yelka zarblar esa sekin sur’atda beriladi. Past sur’atda talaba charchamaydi va qirqish usullarining hamma jihatlari to‘g‘ri bajarilaѐtganligini yaxshiroq kuzatib turadi. Talabalar qirqish vaqtida zubiloni tekislikka nisbatan katta burchak hosil qilib, tik qo‘yadilar, oqibatda, zubilo metallga qiyalab kesib kiradi, gira jag‘lariga urilib, o‘tmaslashadi va ularni buzadi. Ba’zan qirqish noto‘g‘ri bajariladi: gira jag‘lari o‘qlariga nisbatan 45° burchak hosil qilib qirqish o‘rniga deyarli ѐtiq holda gira jag‘lari bo‘ylab qirqiladi. Tepadan ѐki ѐn tomondan urishga, gavdani dastgohga nisbatan o‘ngga haddan tashqari burib turishga odatlanmaslik kerak. Taxtada qirqishda talabalar yelka bilan siltov berish o‘rniga tepadan urib, noto‘g‘ri qirqadilar.