1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

Oiladagi erkak va ayollarning majburiyatlari

Maqsad: Oilaviy hayotda erkak va ayollarning vazifalarini aniqlashtirish va amaliyotda ayrim vazifalarni erkaklarga yuklatish.

Materiallar: genderli rollar taxlili; "erkak", "ayol", "erkak va ayollar birga turgan" 3 ta alohida tasvirdagi rasmlar; majburiyatlar tasvirlangan 12 ta undan ziyod rasmlar; ruchka va qog‘ozlar. Boshlovchi uchun ko‘rsatma:

*** Agar bu mashg‘ulot bilan bundan oldingi mashg‘ulotlar orasida uzilish ro‘y bersa, guruh bundan oldingi uchrashuvdan nimalarni o‘rganganligini va qanday qarorga kelganligini muhokama qiling.

*** Ishtirokchilarni 5-8 odamdan iborat guruhlarga bo‘lib tashlang.

*** Guruhdan quyidagi topshiriqni bajarishni so‘rang: Har bir guruhga erkak, ayol, erkak va ayol birga (juft holda) tasvirlangan rasmlar beriladi. Shuningdek, turli majburiyatlar tasvirlangan sur’atlar taxlami ham taqdim etiladi. Guruh a’zolari bu majburiyatlarni kimlar bajarishini muhokama qilishadi. Siz ulardan bir fikrga kelishgach, majburiyatlar tasvirlangan suratlarni ayol, erkak yoki juftlik tasvirlangan rasm ostiga qo‘yishlarini so‘rang. Erkak va ayol birga tasvirlangan (juft) rasm ikkala jins ham bu majburiyatni birgalikda bajarishini anglatadi.

*** Guruhlarning mustaqil ishlashi va olingan natijalarni muhokama qilishiga imkon bering. Buning uchun, Siz ularni toza qog‘oz varag‘i bilan ta’minlashingiz zarur.

*** Guruhlar topshiriqni bajarib bo‘lgach, har bir guruhdan bittadan vakil chiqib, o‘z guruhining qarorini qolgan ishtirkochilarga taqdim etib, tushuntirib berishi va savollarga javob berishi lozim.

*** Guruh bilan, quyidagilarni muhokama qiling:

-Kim nima bilan shug‘ullanadi?

-Erkak va ayollarning ish bilan bandligi.

-Ularning bandligidagi farq

-Erkak va ayol bajaradigan majburiyatlar doirasining o‘zgarishidagi yutuq va kamchiliklar.

*** Guruh bilan u nimalarni o‘rganishi, unga nimalar yoqdi-yu nimalar ushbu mashg‘ulotda yoqmaganligini muhokama qiling.