1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Firma maqsadlarini aniqlash.
Ushbu bosqichda firmaning marketing va 
kommunikatsiya siyosatining maqsadlari aniqlanadi. Maqsadlarni miqdoriy va sifat 
ko‘rsatkichlarida aniqlash maqsadga muvofiqdir. Turizm sohasida firmalarning 
direkt-marketing tadbirlari quyidagi maqsadlarni qamrab oladi:
– xabardor qilish – iste’molchilar va haridorlarni firma haqida xabardor qilish, 
ularning his tuyg‘ularini oqilona qayta ishlangan ma’lumotlar bilan almashinuvini 
ta’minlash, mantiqiy xulosa va motivatsiya ustuvorligiga erishish;
– tushuncha hosil qilish – iste’molchi tovar va xizmatlarning barcha funksiyasi, 
iste’mol xossalari, afzallik va kamchiliklari, konstruktiv jihatlari va ekspluatatsiya 
jarayoni haqida to‘liq va ishonchli bilishi kerak;
– esda qolishni ta’minlash – haridorlarning tovar haqida qo‘shimcha ma’lumot 
olishi va takroriy harid uchun qaror qabul qilishlari uchun eslab qolishlarini 
ta’minlash;
2. Maqsadli auditoriyani aniqlash.
Bunda firma murojaat qiladigan muayyan 
guruhlar, shaxslar yoki potensial mijozlar aniqlanadi. 
3. Maqsadli auditoriyaga murojaat qilish uchun kommunikatsiya 
kanallarini tanlash.
O‘tkazilayotgan direkt-marketing tadbirlari uchun turli 
davrlarda turli kommunikatsiya vositalaridan foydalanish maqsadga muvofiq. Tovar 
va xizmatlar to‘g‘risida axborot maydonini shakllantirish bosqichida odatda ommaviy 
kommunikatsiya vositalaridan foydalaniladi, o‘zaro munosabatlar bosqichida elektron 
pochta, motivatsiya bosqichida esa ko‘pincha telefondan foydalaniladi.
4. Direkt-marketing tadbirlarining byudjetini aniqlash. 
Ushbu bosqichda 
mijozlar va iste’molchilarga agentlik va brokerlik xizmatlari ko‘rsatish, pochta 
jo‘natmalari jo‘natish, videomateriallarni namoyish qilish uchun zarur bo‘ladigan 
mablag‘lar miqdori hisoblab prognoz qilinadi.