1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

2. Iste’molchilarga yo‘naltirilganlik. 
Shaxsiy sotish ijtimoiy-axloqiy 
marketing konsepsiyasidan chetlashmagan holda iste’molchilarning ko‘plab 
muammolarini ehtiyojlarni qondirish orqali hal etish mumkinligini ko‘zda tutadi. 
Ushbu tamoyilga ko‘ra: 
1)
Shaxsiy sotish mijozlarning muammolarini o‘zi sotayotgan mahsulotlar 
orqali hal etish va ma’lum naflilikka erishish mumkinligiga asoslangan. 
2)
Sotuvchining muammolari faqatgina mijozlar muammolarini hal etish 
orqali bartaraf etiladi. 
3)
Firmaning yoki sotuvchining muvaffaqqiyati tomonlarning o‘zaro nafli 
kelishuviga bog‘liq. 
3. Mijozlarni harid to‘g‘risida qaror qabul qilishga undash.
Haridorlarning 
xulq-atvori, mahsulot xususiyati va tarmoqning o‘ziga xosligidan kelib chiqqan holda 
harid chog‘ida haridorlarni o‘z mahsulotini sotib olishga undash zarur. Bu jarayonda 
sotuvchilar haridorlar uchun ekspert-maslahatchi rolini bajaradi, ularda ushbu 
mahsulotlardan foydalanishga moyilligini keltirib chiqaradi va kelgusida ham bu 
haqda murojaat qilishga ko‘ndiradi. Bu holat turmahsulotni sotishda juda qo‘l kelib, 
turmahsulotni iste’mol qilishning shaxsiy xususiyatga ega ekanligini targ‘ib qiladi. 
4. Turmahsulotni sotishning shaxsiy xususiyatga ega ekanligi.
Shaxsiy 
sotish jarayoni noyob xususiyatlarga ega, har bir haridor noyob xususiyat va 
fazilatlarga ega. Shu bois shaxsiy sotish chog‘ida aynan o‘xshash mahsulotlar ham 
turlicha sotiladi, mijozlar ushbu mahsulotlardan turlicha naf ko‘radilar. 
5. Turmahsulotni sotishning tajribaga (dalillarga) asoslanganligi. 
Turmahsulotni sotish oldingi sotuvlarning bevosita davomi hisoblanib, ushbu 
uzluksiz jarayonda mijozlarning xulq-atvori va boshqa xususiyatlari aniq dalillar 
to‘plash orqali o‘rganiladi, takomillashtiriladi. Turistik mahsulot iste’molchilarining 
gedonistik xulqi (huzur-halovatga intilish) nafaqat dam olish chog‘ida, balki 
turmahsulotlarni harid qilish davomida ham ijobiy taassurot, qo‘shimcha hissiyot, 
yaxshi kayfiyatga ega bo‘ladilar. 

---