1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Elektron marketing
jarayon sifatida bozor sub’ektlarining elektron muhitdagi 
marketing faoliyatidir. Biznes amaliyotda elektron marketing va Internet marketing 

---

192 
aksariyat sinonim sifatida ishlatiladi. Ammo, elektron marketing bevosita Internet 
tarmog‘i orqali amalga oshganligi bois, bu xato hisoblanmaydi.
Axborot texnologiyalari kompaniyalar faoliyatini tashkil etish, boshqarish 
amaliyotini tubdan o‘zgartirib yuboradi. Ular boshqaruv faoliyatidan tortib 
mahsulotni tarqatishgacha bo‘lgan jarayonlarni qamrab oladi. Bundan tashqari, u 
mahsulotlar shaklini ham o‘zgartirib yuboradiki, tovar va xizmatlar o‘rtasidagi 
umumiy tafovutlar o‘zaro uyg‘unlashib, yo‘qolib ketadi. Buning natijasida ularning 
qiymati ham ortadi [21,112-116]. 
Internet marketing – gipermedia muhitida marketingni tashkil etish nazariyasi 
va amaliyoti hamdir. 
Internet marketing maqsad va vazifalari quyidagilar:
1. on-layn holatda elektron tijoratni tashkil etish orqali sotish hajmini oshirish;
2. tovar va xizmatlarning tarmoq reklamasi;
3. marketing harajatlarini kamaytirish;
4. firmaning zamonaviy imidjini shakllantirish.
5. mijozlar, iste’molchilar, raqiblar va ta’minotchilar bo‘yicha axborotlar 
bazasini yaratish;
6. qo‘shimcha xizmat turlarini tashkil etish.
7. bozor to‘g‘risida ma’lumotlar to‘plash va marketing ma’lumotlar bazasini 
boyitib borish. 
Elektron marketing faoliyatining ob’ekti 
firmalarning tarmoqli axborot tizim va 
texnologiyalarini qo‘llash orqali bozordagi raqobat mavqeini aniqlash, siljitish va 
tovar tarqatish strategiyalarini aniqlash, tashqi muhit omillariga bog‘liq holda 
reklama va narx siyosatini tashkil qilish bilan bog‘liq axborot tahliliy va ekspert-
tadqiqot faoliyatidir.
Elektron marketing faoliyatining sub’ekti
muayyan firma va kompaniyalarning 
raqamli axborotlarni to‘plash, qayta ishlash va tahlil qilish orqali marketing 
maqsadlariga erishishga qaratilgan maqsadli faoliyatidir. 
Elektron marketingni boshqarish jarayoni quyidagilardan iborat: 
−
bozor va raqib firmalar to‘g‘risida internet tarmog‘i orqali axborotlar 
to‘plash va korporativ ma’lumotlar bazasini saqlash; 
−
bozor segmentlarida stoxastik va dinamik jarayonlarni tahlil qilish;
−
iste’molchilar xulq-atvorini modellashtirish, yangi bozorlar uchun yangi 
strategiyalarni ishlab chiqish. 
Internet marketingning asosiy xususiyatlari quyidagilar: