1 O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

9.5. Mehnat shartnomasini bekor qilish haqida buyruqni rasmiylashtirish 
O‘zR MKning 97-moddasiga asosan mehnat shartnomasini bekor qilishga 
quyidagilar asos bo‘lishi mumkin: 
1.
Taraflarning 
kelishuviga 
ko‘ra. Ushbu asosga binoan mehnat 
shartnomasining barcha turlari istalgan vaqtda bekor qilinishi mumkin; 
2.
Taraflardan birining tashabbusi bilan; 
3.
Mehnat shartnomasi muddati tugashi bilan; 
4.
Taraflar ixtiyoriga bog‘liq bo‘lmagan holatlarga ko‘ra; 
5.
Mehnat shartnomasida nazarda tutilgan asoslarga ko‘ra. Mehnatga oid 
munosabatlarni bekor qilish to‘g‘risidagi mehnat shartnomasida bu shartnoma ish 
beruvchi tomonidan korxona rahbari, uning o‘rinbosarlari, bosh hisobchi bilan, 

---

169 
korhonada bosh hisobchi lavozimi bo‘lmagan taqdirda esa, bosh hisobchi 
vazifasini amalga oshiruvchi xodim bilan tuzilganda, shuningdek qonunda yo‘l 
qo‘yiladigan boshqa hollarda ham nazarda tutilishi mumkin; 
6.
Yangi muddatga saylanmaganligi (tanlov bo‘yicha o‘tmaganligi) yoxud 
saylanishda (tanlovda) qatnashishni rad etganligi munosabati bilan. 
O‘zR MKning 107-moddasiga asosan mehnat shartnomasini bekor qilish 
ishga qabul qilish huquqiga ega bo‘lgan shaxslar tomonidan amalga oshiriladi va 
buyruq bilan rasmiylashtiriladi. Oxirgi ish kuni mehnat shartnomasi bekor qilingan 
kun deb hisoblanadi. 
Ish beruvchining buyrug‘ida O‘zR MKning 87, 89,97,99,100,105,106-
moddalari ta‘rifiga yoki mehnat shartnomasini bekor qilishning qo‘shimcha 
asoslarini nazarda tutuvchi boshqa me‘yoriy hujjatlar ta‘rifiga to‘la muvofiq 
Kodeks moddalari ko‘rsatilgan holda mehnat shartnomasini bekor qilish asoslari 
yozilishi shart. 
Mehnat shartnomasi xodimning tashabbusi bilan uning kasalligi, nogironligi, 
yoshga doir pensiyaga chiqishi, oliy yoki o‘rta maxsus o‘quv yurti yoxud 
aspiranturaga qabul qilinishi va qonun hujjatlariga ko‘ra muayyan imtiyozlar va 
afzalliklar beriladigan boshqa sabablar tufayli bekor qilinganda mhnat 
shartnomasini bekor qilish haqidagi buyruqda sabablar ko‘rsatiladi.