1 O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

Nazorat va muhokama uchun savollar 
1. Buyruq nima va uning qanday turlari mavjud? 
2. Ishga qabul qilish buyrug‘i qanday rasmiylashtiriladi? 
3. Mehnat ta‘tili buyrug‘iga nima asos bo‘ladi? 
4. Boshqa ishga o‘tkazish buyryg‘i qanday tarkibiy qismlardan iborat? 
5. Mehnat shartnomasini bekor qilish to‘g‘risidagi buyruq qanday tuziladi? 
6. Buyruqdan ko‘chirma tayyorlang. 
 
 
 
 
 
 
 
 
 
 
 

---

183 
10-BOB. XODIMLARNING MEHNAT STAJIGA OID 
MA’LUMOTNOMALARNI RASMIYLASHTIRISH 
 
10.1.Fuqarolarga ish staji va ish haqi to’g’risidagi ma’lumotlarni 
taqdim etish tartibi 
 
O‘zbekiston Respublikasi Vazirlar Mahkamasining 1994 yil 11 maydagi 
249-son qarorining ilovasida keltirilgan ―Pensiya tayinlash uchun mehnat stajini 
tasdiqlash tartibi to‘g‘risidagi Nizom‖ning 1-bandiga ko‘ra mehnat staji ish, 
xizmat, o‘qish joyidan yoki ish stajiga qo‘shib hisoblanadigan boshqa faoliyat 
amalga oshirilgan joyidan, yoxud arxiv muassasalari tomonidan berilgan hujjatlar 
asosida aniqlanadi. 
Ish vaqtini hisobga olib bo‘lmaydigan xodimlarning mehnat staji 
O‘zbekiston Respublikasi Moliya Vazirligi huzuridagi Byudjetdan tashqari 
Pensiya jamg‘armasiga sug‘urta badallari to‘langanligi to‘g‘risida beriladigan 
ma‘lumotnomalar asosida aniqlanadi. 
Belgilangan tartibga ko‘ra nafaqani rasmiylashtirishga mehnat daftarchasi 
asos bo‘ladi. Fuqaro mehnat daftarchasini yo‘qotgan yoki unda turli xato va 
kamchiliklar mavjud bo‘lsa, bunday holda qo‘shimcha ravishda fuqarodan arxiv 
ma‘lumotnomalari talab etiladi. 
Mehnat daftarchasi, shuningdek, O‘zbekiston Respublikasi Moliya Vazirligi 
huzuridagi byudjetdan tashqari Pensiya jamg‘armasiga sug‘urta badali 
to‘langanligi to‘g‘risida berilgan ma‘lumotnomalar ish stajini tasdiqlovchi asosiy 
hujjatlar hisoblanadi. 
Mehnat daftarchasi bo‘lmagan takdirda hamda mehnat daftarchasida zarur 
yozuvlar bo‘lmagan yoki yozuvlar xato va noaniq yozilgan bo‘lsa, mehnat stajini 
tasdiqlash uchun (ish davrini hisobga olib bo‘lmaydigan xodimlar staji bundan 
mustasno) ma‘lumotnomalar, buyruqlardan ko‘chirmalar, ish haqi berish bo‘yicha 
shaxsiy hisoblar, ro‘yhatlar, ularni bajarganligi qayd etilgan yozma mehnat 
shartnomalari (kontraktlar) va ish davrlari to‘g‘risida ma‘lumotlar bo‘lgan boshqa 
hujjatlar qabul qilinadi.

---

184 
Yuqorida ko‘rsatilgan hujjatlar bo‘lmasa, mehnat stajini isbotlash uchun 
kasaba uyushmasi biletlari va hisob-kitob daftarchalari qabul qilinadi. Hisob-kitob 
daftarchalari ish haqi to‘langanligi to‘g‘risida belgi qo‘yilgan vaqt uchun kasaba 
uyushmasiga a‘zolik bileti esa – ish haqi yoki stipendiyadan a‘zolik badallari 
to‘langanligi to‘g‘risida belgi qo‘yilgan vaqt uchun ish davrini tasdiqlaydi. 
Kasaba uyushmasiga a‘zolik bileti bo‘lmagan taqdirda ish staji xodimni 
hisobga olish varaqasi asosida aniqlanishi mumkin, bunda faqat a‘zolik badallari 
to‘langan vaqt stajga kiradi.
O‘zbekiston Respublikasi Vazirlar Mahkamasining 1994 yil 11 maydagi 
249-son qaroriga 13-ilova bo‘lgan ―Pensiya tayinlash uchun zarur bo‘lgan 
hujjatlarni taqdim etish va rasmiylashtirish tartibi to‘g‘risida Nizom‖ning 12-
bandiga asosan faoliyat yurituvchi tashkilotlar tomonidan Pensiyani hisoblab 
chiqish uchun taqdim etiladigan ish haqi to‘g‘risidagi ma‘lumotnoma shakli va uni 
to‘ldirishga oid qoidalar O‘zbekiston Respublikasi Mehnat va aholini ijtimoiy 
muhofaza qilish vazirligi tomonidan tasdiqlanadi.
Ko‘rsatilgan ma‘lumotnomalar arizachi yoki boquvchi ishlagan korxona, 
muassasa yoki tashkilot tomonidan shaxsiy hisoblar, to‘lov qaydnomalari va ish 
haqi to‘langanligini tasdiqlovchi boshqa hujjatlar asosida beriladi. Agar ular 
tugatilgan yoki boshqa sabablarga ko‘ra o‘z faoliyatini to‘xtatgan bo‘lsa, 
ma‘lumotnomalar uning huquqiy vorisi yoki tegishli arxiv muassasalari tomonidan 
beriladi.
Zarur hollarda pensiyani hisoblash uchun tarif bo‘yicha belgilangan maosh 
(oklad) haqidagi ma‘lumotnoma taqdim etiladi.
Ish haqi to‘g‘risidagi ma‘lumotlar butunlay yoki qisman yo‘q bo‘lsa, 
pensiyani hisob-kitob qilish uchun pensiyani tayinlash kunida rasman belgilangan 
eng kam ish haqi miqdori olinadi. 
Tashkilotlar tomonidan berilgan mehnat staji (1-ilova) va ish haqi to‘g‘risida 
(2-ilova)gi ma‘lumotlar O‘zbekiston Respublikasi Vazirlar Mahkamasining 1999 
yil 30 oktyabrdagi 482-son qaroriga asosan ―O‘zarxiv‖ agentligi tomonidan ishlab 

---