1. Мукаддима маълумот дар бораи фан

13.МЕТОДҲОИ ЗАБОНШИНОСЙ
Методология ҳамчун таълимот дар бораи методи илмй умуман ва методҳои илмҳои ҷудогона дар назария ва амалияи ҳар як илм ва аз ҷумла забоншиносй, аҳамияти бағоят калон дорад. Инкишофи илмҳои гуногун, пайдоиши илмҳои нав ба нав, тараққии номунтазами илму техника, пайдоиши илмҳои муштарак талаб намудаанд, ки метод ва ё роҳ, инчунин тарзу усулҳои тадқиқи илмҳо ҳаматарафа омўхта муайян карда шавад. Зиёд гардидани шавқу рағбат ба метод ва тарзу усулҳои тадқиқи илм аз он сабаб ҳам сар зад, ки доираи мутахассисон зиёд шуда истодааст. Чамоаҳои калони илмй ба амал омада истодаанд. Ҳамаи зарурати автоматикунонидаи меҳнати фикриро талаб мекунад. Ҳоло баробари муҳим будани натиҷаи корҳои илмй роҳу усулҳои ба даст даровардани он низ аҳамияти калон пайдо карда истодааст. Ҳар як илм дорои методҳои худ мебошад ва кўшиш мекунад, ки бо роҳу усулҳои осон ва оддӣ натиҷаҳои хуб ба даст дарорад. Пас дар аз худ кардан ва натиҷаҳои дилхоҳ ба даст даровардани ҳар як илм метод роли бағоят калон мебозидааст. Метод мақсади ягонаи илм набуда, вай танҳо воситаи дарккунии объект. тарафҳои ҷудогонаи он ва инчунин вазифаи он мебошад.