1. Moliya / Umumiy masalalar]

4-bo‘lim. Fiskal tavakkalchiliklarni baholash, moliyaviy aktivlar va majburiyatlar hisobini yuritish hamda ularni samarali boshqarish tizimini joriy etish

12-bob. Tavakkalchiliklarni boshqarish tizimini joriy etish
33.	Fiskal tavakkalchilik-larni oshkor etish va tahlil qilish hamda boshqarishni takomillashtirish.	Barcha muhim moliyaviy tavakkalchiliklarni fiskal tavakkalchiliklar to‘g‘risidagi hisobotda aks ettirish, shu jumladan: davlat kreditlari bo‘yicha beriladigan kafolatlar va ularning benefitsiarlarini baholash; davlat sektori korxonalari, davlat-xususiy sheriklik bilan bog‘liq yashirin tavakkalchiliklar; davlat qarzi bilan bog‘liq tavakkalchiliklar tahlili. Budjetnoma tarkibida fiskal tavakkalchiliklar to‘g‘risidagi hisobotni har yili e’lon qilish. Moliya vazirligida moliyaviy tavakkalchiliklarni boshqarish funksiyasini joriy etish, shuningdek, ularni baholash uchun institutsional salohiyatini oshirish. Fiskal tavakkalchiliklarni boshqarish, shu jumladan davlat ishtirokidagi hamda davlat-xususiy sheriklik shartnomalari asosida faoliyat yurituvchi korxonalarga kreditlar, kafolatlar taqdim etish bo‘yicha amaldagi normativ-huquqiy hujjatlardagi mavjud kamchiliklarni aniqlash va ularni bartaraf etish maqsadida qonunchilikka tegishli o‘zgartirishlar kiritish. Davlat ishtirokidagi korxonalar faoliyati bilan bog‘liq bo‘lgan moliyaviy tavakkalchiliklarni baholash uslubiyatini ishlab chiqish.	Budjetnoma Moliya vazirining buyrugi Normativ-huquqiy hujjatlarga o‘zgartirish va qo‘shimchalar kiritish	Har yili III chorak 2021-yil I chorak 2021-yil IV chorak	Moliya vazirligi, Iqtisodiy taraqqiyot va kambag‘allikni qisqartirish vazirligi, Budjet-soliq tadqiqotlari instituti, manfaatdor vazirlik va idoralar	Xalqaro moliya institutlari ko‘magida xorijiy ekspertlarni jalb qilish
34.	Davlat-xususiy sheriklikni tartibga solish bo‘yicha qonuniy va institutsional asoslarni mustahkamlash.	Moliya vazirligining soliq-budjet siyosatini yuritishga hamda davlat-xususiy sheriklik sohasida davlat siyosatini amalga oshirishga mas’ul organ sifatidagi funksiyalarini inobatga olib, davlat-xususiy sherik-likning normativ-huquqiy va institutsional asosini yanada takomillashtirish. Davlat-xususiy sheriklik bo‘yicha ma’lumotlarni va hisobotlarni, shuningdek, ularni amalga oshirish bilan bog‘liq yuzaga kelishi mumkin bo‘lgan tavakkalchiliklarni oshkor etish.	Budjet kodeksi va normativ-huquqiy hujjatlarga o‘zgartirish kiritish Muntazam ravishda rasmiy veb-saytda e’lon qilish	2022-yil II chorak Doimiy	Moliya vazirligi, Davlat-xususiy sheriklikni rivojlantirish agentligi	Xalqaro moliyaviy institutlar ko‘magida xorijiy ekspertlarni jalb qilish