1. Молия / Умумий масалалар]

2-боб. Ўрта муддатли бюджет асосларини ишлаб чиқиш (MTBF)

8.	Ўрта муддатли бюджет асосларининг ҳуқуқий базасини таъминлаш.	Ўрта муддатли режалаштиришни жорий этиш учун қонунчиликка тегишли ўзгартириш ва қўшимчалар киритиш, бюджет тақвимини қайта кўриб чиқиш ва бюджет маблағларини тақсимловчиларнинг ваколатларини қайта кўриб чиқиш. Ўрта муддатли бюджетни тайёрлаш жараёнини икки босқичда (тузиш ва тайёрлаш) амалга ошириш бўйича ягона қўлланмалар тўплами (циркуляр) ни тайёрлаш.	Бюджет кодексига ўзгартириш ва қўшимчалар киритиш Норматив-ҳуқуқий ҳужжатларга ўзгартириш ва қўшимчалар киритиш	2020 йил IV чорак 2021 йил II чорак	Молия вазирлиги
9.	Базавий харажатларни аниқлаш услубияти.	Амалдаги давлат дастурларида белгиланган сиёсатни давом эттириш, шунингдек, инфратузилмани сақлаш бўйича капитал қўйилмалар учун зарур бўлган базавий харажатларни аниқлаш. Яъни, таркибига янги ташаббуслар учун зарур бўладиган харажатларни ҳисобга олмаган ҳолда бюджет ташкилотлари ва бюджетдан маблағ олувчиларнинг жорий харажатлари ҳамда объектларни лойиҳалаштириш, қуриш (реконструкция қилиш) ва жиҳозлаш учун капитал қўйилмалар миқдорини ҳисоблаш.	Методик қўлланма	2020 йил IV чорак	Молия вазирлиги
10.	Навбатдаги йил учун Ўзбекистон Республикаси Давлат бюджетини шакллантиришда бюджетдан ажратиладиган маблағларнинг чегараланган миқдорларини етказиш.	1. Бирламчи Фискал стратегияни шакллантиришда умумлашган харажатлар прогнози доирасида номинал қийматда харажатларнинг чегараланган миқдорларини ўрта муддат учун ишлаб чиқиш ва ҳар йили сузувчи график асосида бир йилдан қўшиб бориш. 2. Бюджет маблағларининг чегараланган миқдорларини ажратиш лозим бўлган биринчи даражали бюджет маблағлари тақсимловчилари қамровини аниқлаш ҳамда чегараланган миқдорларни ҳисоблаш услубиятини, шунингдек, уларни қайта кўриб чиқиш шартларини белгилаш. 3. Биринчи даражали бюджет маблағларини тақсимловчилар учун бюджетдан ажратиладиган бюджет маблағлари чегараланган миқдорларини белгилаш. 4. Биринчи даражали бюджет маблағларини тақсимловчилар томонидан иккинчи даражали бюджет маблағларини тақсимловчиларга ҳамда улар тасарруфидаги бюджет ташкилотлари учун бюджет маблағларининг чегараланган миқдорларини белгилаш жараёнини тартибга солиш. Ўрта муддатли бюджет асосларининг мустаҳкамлигини таъминлаш мақсадида захира маблағларини шакллантириш учун ҳисобга олинадиган тадбирлар ва мезонларни белгилаш.	Методик қўлланма	2021 йил I чорак	Молия вазирлиги	Халқаро валюта жамғармаси ва Осиё тараққиёт банки экспертларини жалб қилиш
11.	Узоқ муддатли солиқ-бюджет барқарорлигини таъминлаш.	Солиқ-бюджет барқарорлигини янада ошириш мақсадида солиқ-бюджет қоидаларини (узоқ муддатли солиқ-бюджет мақсадларининг миқдор кўрсаткичларини) баҳолаш тизимини жорий этиш.	2022 — 2024 йиллар учун фискал стратегия таркибида акс эттириш	2021 йил II чорак	Молия вазирлиги, Иқтисодий тараққиёт ва камбағалликни қисқартириш вазирлиги, Марказий банк	Халқаро валюта жамғармаси техник кўмаги