1. Moliya / Banklar va boshqa kredit muassasalari. Kreditlar

10307 O‘zRMBdan olinishi lozim bo‘lgan mablag‘lar — Naqd pullar

Hisobvaraqning ta’rifi: bankning O‘zRMBga naqd pul olish uchun o‘tkazilgan mablag‘lari hisobga olinadi.

Hisobvaraqning debetida O‘zRMBga naqd pul olish uchun o‘tkazilgan mablag‘lar aks ettiriladi.

Hisobvaraqning kreditida O‘zRMBdan naqd pullar kelib tushganda hisobdan chiqarilgan qoldiq summa va/yoki qaytarilgan mablag‘lar aks ettiriladi.

Tahliliy hisob bitta shaxsiy hisobvaraqda olib boriladi.

10309 O‘zRMBdagi majburiy zaxira hisobvarag‘idan olinishi lozim bo‘lgan mablag‘lar

Hisobvaraqning ta’rifi: bankning O‘zRMB majburiy zaxiralariga o‘tkazilgan mablag‘lari harakati hisobga olinadi.

Hisobvaraqning debetida bankning vakillik hisobvarag‘idan O‘zRMBga o‘tkazilgan majburiy zaxira mablag‘lari aks ettiriladi.

Hisobvaraqning kreditida O‘zRMBdan bankning vakillik hisobvarag‘iga qaytarilgan majburiy zaxira mablag‘lari aks ettiriladi.

Tahliliy hisob bitta shaxsiy hisobvaraqda olib boriladi.