1. Moliya / Banklar va boshqa kredit muassasalari. Kreditlar

10397 O‘zRMBdan olinishi lozim bo‘lgan mablag‘lar — Depozitlar

Xisobvaraqning ta’rifi: bankning O‘zRMBga qo‘ygan depozitlarining hisobi olib boriladi.

Hisobvaraqning debetida O‘zRMBga qo‘yilgan depozitlar summasi aks ettiriladi.

Hisobvaraqning kreditida O‘zRMBdan qaytarilgan depozitlar aks ettiriladi.

Tahliliy hisob depozitlar turi bo‘yicha alohida shaxsiy hisobvaraqlarda olib boriladi.

10500 Bankning boshqa banklardan olinishi lozim bo‘lgan mablag‘lar

10501 Boshqa banklardagi vakillik hisobvaraqlaridan olinishi lozim bo‘lgan mablag‘lar — Nostro

Hisobvaraqning ta’rifi: bankning banklararo hisob-kitoblarni amalga oshirish maqsadida boshqa banklarga qo‘ygan pul mablag‘larining hisobi olib boriladi.

Hisobvaraqning debetida boshqa banklardan bankning vakillik hisobvarag‘iga bank va mijozlar nomiga kelib tushgan mablag‘lar summasi aks ettiriladi.

Hisobvaraqning kreditida bankning o‘z majburiyatlari va mijozlarning topshiriqlari bo‘yicha bank vakillik hisobvarag‘idan boshqa banklarga o‘tkazilgan mablag‘lar summasi aks ettiriladi.

Tahliliy hisob har bir vakil-bank bo‘yicha alohida shaxsiy hisobvaraqlarda olib boriladi.