1. Moliya / Banklar va boshqa kredit muassasalari. Kreditlar

29808 Litsenziya badallari bo‘yicha hisoblangan mablag‘lar

Hisobvaraqning ta’rifi: hisoblangan, lekin to‘lanmagan litsenziya badallarining hisobi olib boriladi.

Hisobvaraqning kreditida hisoblangan litsenziya badallari summasi aks ettiriladi.

Hisobvaraqning debetida to‘langan vayoki noto‘g‘ri hisoblangan litsenziya badallari bo‘yicha qaytarilgan summalari aks ettiriladi.

Tahliliy hisob har bir litsenziya badallari turi bo‘yicha alohida shaxsiy hisobvaraqlarda olib boriladi.

29810 Bankning mas’ul xodimlariga berilgan korporativ plastik kartalar bo‘yicha hisobdan chiqarilishi lozim bo‘lgan mablag‘lar

Hisobvaraqning ta’rifi: bankning qonun hujjatlarida belgilangan joriy to‘lovlari uchun mas’ul xodimlar orqali korporativ plastik kartalardan amalga oshiriladigan hisob-kitoblar uchun pul mablag‘lari hisobi olib boriladi.

Hisobvaraqning kreditida bankning qonun hujjatlarida belgilangan joriy to‘lovlari uchun mas’ul xodimlar orqali 19910 — “Bankning mas’ul xodimlariga berilgan korporativ plastik kartalardan hisob-kitoblar uchun pul mablag‘lari” hisobvarag‘idan o‘tkazilgan pul mablag‘lari summasi aks ettiriladi.

Hisobvaraqning debetida mas’ul xodimlar tomonidan korporativ plastik kartalardan foydalangan holda bankning qonun hujjatlarida belgilangan joriy to‘lovlari uchun o‘tkazilgan pul mablag‘lari summasi aks ettiriladi.

Tahliliy hisob bankning har bir mas’ul xodimi bo‘yicha alohida shaxsiy hisobvaraqlarda olib boriladi.

29814 Mijozlarning hisobvaraqlariga kirim qilinishi lozim bo‘lgan terminallar orqali tushgan tushumlar

Hisobvaraqning ta’rifi: mijozlarning hisobvaraqlariga o‘tkazilishi lozim bo‘lgan, plastik kartochkalardan to‘langan, terminallar orqali tushgan tushumlar hisobi olib boriladi.

Hisobvaraqning kreditida mijozlarning hisobvaraqlariga o‘tkazilishi lozim bo‘lgan, plastik kartochkalardan to‘langan, terminallar orqali kelib tushgan tushumlar summasi aks ettiriladi.

Hisobvaraqning debetida terminallar orqali tushgan tushumlarning mijozlar hisobvaraqlariga o‘tkazilgan summasi aks ettiriladi.

Tahliliy hisob har bir mijoz bo‘yicha alohida shaxsiy hisobvaraqlarda olib boriladi.