1. Moliya / Banklar va boshqa kredit muassasalari. Kreditlar

15827 Tijorat banklari tomonidan strategik investorlarga korxonalarni bo‘lib-bo‘lib to‘lash sharti bilan sotish

Hisobvaraqning ta’rifi: tijorat banklari tomonidan sotiladigan korxonalar, ularning ustav fondlaridagi ulushlar, avval taqdim qilingan kreditlarning qaytarilmasligi natijasida tijorat banklari mulkiga qabul qilingan ko‘chmas mulk obyektlari negizida yangidan tashkil etilgan korxonalar bo‘yicha sotib olish to‘lovlarini salohiyatli investorlar tomonidan bir yo‘la yoki sotib olish summasining qoldig‘iga foizlar hisoblamasdan bo‘lib-bo‘lib to‘lash, shuningdek sotib olish to‘lovlari to‘liq to‘langunga qadar tasarruf etish huquqisiz amalga oshirishning hisobi.

Hisobvaraqning debetida bo‘lib-bo‘lib to‘lashga realizatsiya qilinishi lozim bo‘lgan korxonalarning qiymati aks ettiriladi.

Hisobvaraqning kreditida bo‘lib-bo‘lib to‘lashga realizatsiya qilinayotgan korxonaning to‘langan qiymati aks ettiriladi.

Tahliliy hisob bo‘lib-bo‘lib to‘lashga realizatsiya qilish jarayonida turgan har bir korxona turi bo‘yicha alohida shaxsiy hisobvaraqlarda olib boriladi.

15899 — Ko‘rilishi mumkin bo‘lgan zararlarni qoplash zaxirasi — Qaram xo‘jalik jamiyatlariga, birgalikdagi korxonalarga va sho‘ba xo‘jalik jamiyatlariga qilingan investitsiyalar (kontr-aktiv)

Hisobvaraq ta’rifi: ivestitsiya qadrsizlanishi natijasida vujudga kelishi mumkin bo‘lgan zararlarni qoplashga yo‘naltirilgan mablag‘lar hisobi yuritiladi.

Hisobvaraqning debetida zaxiraning kamayish summasi va/yoki hisobdan chiqarilgan summasi aks ettiriladi.

Hisobvaraq kreditida yaratilgan zaxira mablag‘larining va/yoki zaxiraning o‘sish summalari aks ettiriladi.

Tahliliy hisob har bir xo‘jalik jamiyati bo‘yicha alohida shaxsiy hisobvaraqlarda yuritiladi.

15900 So‘ndirish muddatigacha saqlanadigan qarz qimmatli qog‘ozlarga qilingan investitsiyalar