1. Молия / Банклар ва бошқа кредит муассасалари. Кредитлар

23406 Ҳукумат кредитлари бўйича фоизли даромадлар
Ҳисобварақнинг таърифи: ҳукумат кредитлари бўйича олинган фоизли даромадлар ҳисоби олиб борилади.
Ҳисобварақнинг кредитида ҳукумат кредитлари бўйича олинган фоизли даромадлар акс эттирилади.
Ҳисобварақнинг дебетида ҳукумат топшириғи бўйича ҳисобдан чиқарилган суммалар ҳамда нотўғри олинганлиги сабабли қайтарилган фоизли даромадлар суммаси акс эттирилади.
Таҳлилий ҳисоб ҳар бир кредит шартномаси бўйича алоҳида шахсий ҳисобварақларда олиб борилади.
23407 Ягона солиқ тўлови бўйича Республика бюджетининг даромадлари
Ҳисобварақнинг таърифи: ягона солиқ тўлови бўйича Республика бюджетининг даромадлари ҳисоби олиб борилади.
Ҳисобварақнинг кредитида ягона солиқ тўлови учун Республика бюджети даромадига келиб тушган маблағлар суммаси акс эттирилади.
Ҳисобварақнинг дебетида Республика бюджетининг асосий даромадлар ҳисобварағига ва тегишли бюджетдан ташқари жамғармаларга ўтказиладиган маблағлар суммаси акс эттирилади.
Таҳлилий ҳисоб битта шахсий ҳисобварақда юритилади.
23409 Ер ва ягона ер солиқлари бўйича республика бюджетининг даромадлари
Ҳисобварақнинг мақсади: юридик шахс бўлган ва юридик шахс бўлмаган деҳқон хўжаликлари ва фермер хўжаликлари томонидан тўланадиган ер ва ягона ер солиқлари бўйича республика бюджетининг даромадлари ҳисоби олиб борилади.
Ҳисобварақнинг кредитида ер ва ягона ер солиқлари учун республика бюджети даромадига келиб тушадиган маблағлар суммаси акс эттирилади.
Ҳисобварақнинг дебетида республика бюджетининг асосий даромадлар ҳисобварағига ўтказиладиган маблағлар суммаси акс эттирилади.
Таҳлилий ҳисоб алоҳида шахсий ҳисобварақларда юритилади.
23410 Ҳукумат субсидиялари фонди
Ҳисобварақнинг таърифи: ҳукумат қарори бўйича республика бюджетидан қишлоқ хўжалигини, енгил саноатни ва халқ хўжалигининг бошқа тармоқларини дотация билан таъминлаш учун ажратилган маблағлар ҳисоби олиб борилади.
Ҳисобварақнинг кредитида нархларни барқарорлаштириш учун келиб тушган маблағлар суммаси акс эттирилади.
Ҳисобварақнинг дебетида ҳукумат топшириғи бўйича ҳисобдан чиқарилган маблағлар акс эттирилади.
Таҳлилий ҳисоб ҳар бир маҳсулот тури бўйича алоҳида шахсий ҳисобварақларда олиб борилади.