1. Молия / Банклар ва бошқа кредит муассасалари. Кредитлар

23400 Ҳукуматга тегишли даромад ва бошқа тушумлар ҳисобварақлари
23402 Республика бюджетининг маблағлари
Ҳисобварақнинг таърифи: Республика бюджети даромадларининг ҳисоби олиб борилади.
Ҳисобварақнинг кредитида Республика бюджетининг даромадига келиб тушадиган маблағлар ҳамда маҳаллий бюджетларга нотўғри ўтказилган тушумлар акс эттирилади.
Ҳисобварақнинг дебетида маҳаллий бюджетларга ўтказиладиган маблағлар, маблағларнинг қолдиқларини Республика бюджетининг даромадига ўтказиш акс эттирилади, шунингдек Республика бюджетининг даромадига нотўғри ўтказилган маблағлар ҳисобдан чиқарилади.
Таҳлилий ҳисоб Республика бюджетининг даромадлари моддаси бўйича битта шахсий ҳисобварақда олиб борилади.
23403 Божхона тўловлари бўйича Республика бюджетининг даромадлари
Ҳисобварақнинг таърифи: божхона тўловлари бўйича Республика бюджетининг даромадлари ҳисоби олиб борилади.
Ҳисобварақнинг кредитида божхона хизматлари учун Республика бюджети даромадига келиб тушадиган маблағлар суммаси акс эттирилади.
Ҳисобварақнинг дебетида Республика бюджетининг асосий даромадлар ҳисобварағига ўтказиладиган маблағлар суммаси акс эттирилади.
Таҳлилий ҳисоб шахсий ҳисобварақда юритилади.
23404 Республика қарамоғидаги бюджет муассасаларининг маблағлари
Ҳисобварақнинг таърифи: Республика бюджети таркибига кирадиган муассаса ва ташкилотларни таъминлаш учун Республика бюджетидан келиб тушган маблағлар ҳисоби олиб борилади.
Ҳисобварақнинг кредитида Республика бюджетидан олинган маблағлар акс эттирилади.
Ҳисобварақнинг дебетида бюджет муассасалари ва ташкилотлари учун харажатлар сметасига мувофиқ ҳисобдан чиқарилган маблағлар акс эттирилади.
Таҳлилий ҳисоб ҳар бир бюджет муассасаси (ташкилоти) бўйича алоҳида шахсий ҳисобварақларда олиб борилади.
23405 Нобюджет ташкилотлар ва корхоналар учун республика бюджетидан ажратилган маблағлар
Ҳисобварақнинг таърифи: Давлат дастури бўйича республика бюджетидан нобюджет ташкилотлар ва корхоналарга ажратилган маблағлар, шунингдек, субсидия ва трансфертлар ҳисоби олиб борилади.
Ҳисобварақнинг кредитида республика бюджетидан келиб тушган маблағлар акс эттирилади.
Ҳисобварақнинг дебетида тасдиқланган харажатлар сметасига мувофиқ ҳисобдан чиқарилган маблағлар акс эттирилади.
Таҳлилий ҳисоб ҳар бир мижоз бўйича алоҳида шахсий ҳисобварақларда олиб борилади.