1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

 

 

5-modul. GİMNASTİKANIN’ TU’RLERİ 

Joba 

1.  Bilimlendiriwshi-rawajlandırıwshı tu’rleri 

2.  Salamatlandırıwshı tu’rleri 

3.  Sport bag’darına ta’n tu’rleri 

 

Gimnastikanın’ bilimlendiriwshi- rawajlandırıwshı tu’ri 

Tiykarg’ı  gimnastikanın’  wazıypası  –  bul  ulıwma  fizikalıq  rawajlanıw, 

densawlıqtı  bekkemlew,  shug’ıllanıwshılardın’  organizmin  shınıqtırıw  h’a’m 

olardın’  jumıs  islew  uqıplılıg’ın  arttırıw.  Tiykarg’ı  gimnastika  turmısta  kerekli 

bolg’an  ko’nlikpelerdi  h’a’m  ku’ndelikli  jag’dayda  qollanıwdı  qa’liplestiriwge 

h’a’m jetilistiriwge ja’rdemlesedi.  

Tiykarg’ı gimnastika mektepke shekemgi mekemede, mektepte, akademiyalıq 

litsey,  kolledj  oqıwshılarının’  h’a’m  joqarı  oqıw  orınları  talabalarının’  fizikalıq 

ta’rbiyasında  u’lken  a’h’miyetke  iye.  Tiykarg’ı  gimnastikada  -  ulıwma 

rawajlandırıwshı  shınıg’ıwlar,  qıyın  bolmag’an  erkin  shınıg’ıwlar,  tirkewshi 

shınıg’ıwlar, h’a’reketli oyınlar h’a’m h’a’r qıylı sekiriwler qollanıladı. Ja’rdemshi 

shınıg’ıwlar  sıpatında  saptag’ı  shınıg’ıwlar  ja’ne  a’piwayı  u’skene  shınıg’ıwları, 

qıyın  bolmag’an  akrobatikalıq  shınıg’ıwlar  h’a’m  ko’rkem  gimnastika 

shınıg’ıwların tiykarg’ı gimnastika sabaqlarına qa’nigeligine qarap qosıwg’a boladı. 

Tiykarg’ı  gimnastika  oqıwshılar  ushın  kishi,  orta  h’a’m  u’lken  mektep  jasları,  al 

u’lkenler ushın erkekler h’a’m h’ayallarg’a bo’lek o’tilse maqsetke muwapıq boladı.