1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Shınıg’ıwdı u’yreniw 

Shınıg’ıwdı  u’yreniw  protsessinde  gimnast  bir  waqıttın’  ishinde  bir  neshe 

wazıypalardı sheshedi: 

a).  Shınıg’ıw xaqqındag’ı tu’sinikti anıqlastıradı; 

---

b).  O’z h’a’reketlerin qadag’alap baradı; 

v).  Shınıg’ıwlardı orınlaw texnikasındag’ı qa’telerdi joq etedi. 

Shınıg’ıw xaqqındag’ı tu’sinikti anıqlastıradı. Shınıg’ıw xaqqında aldın-ala 

tu’sinikke iye bolg’anda tek onı orınlaw texnikası xaqqında ulıwma tu’sinikke iye 

boladı.  Sportsmen  elementtin’  sırtqı  forması  menen  tanısadı,  sırttan  qalay 

ko’rinetug’ının tu’sinip jetedi. 

U’yreniw  protsessinde  shug’ıllanıwshı  tek  birinshi  urınısta  alg’an  ta’sirler 

menen  qalıp  qoymastan  o’zi  durıs  orınlaw  menen  baylanıslı  barlıq  h’a’reketlerdi 

o’zinen o’tkerip seziwi kerek. 

Shınıg’ıw xaqqında tu’sinikti  anıqlastırıw – ju’da’ ko’p miynetti talap etetug’ın 

qıyın  protsess.  Oqıtıwshı  shug’ıllanıwshılarg’a  to’mendegi  a’mellerdi  paydalanıp 

ja’rdem beriwi mu’mkin: 

1).  Keltirip  shıg’arıwshı  shınıg’ıwlardı  qollanıw  yag’nıy  u’yoenilip  atırg’an 

shınıg’ıw menen texnikası jaqın shınıg’ıwdı qollanıw. 

2).  Shınıg’ıwdı  orınlaw  na’tiyjesinde  o’zinde  qalg’an  jeke  tu’siniginin’ 

mazmunı xaqqında aytıp beriw. 

3).  Oqıwshılarınan  shınıg’ıwdı  durıs  orınlag’anda  olarda  qalg’an  tu’sinikleri 

xaqqında awızsha soraw. 

4).  Shınıg’ıwlardı  o’zlestirgen  h’a’m  o’zlestirmegen  oqıwshılar  menen 

h’a’reketti orınlaw texnikası xaqqında gu’rrin’lesiw (sa’wbetlesiw). 

5). Ayrım jag’daylardı ko’rsetiwde h’a’m shınıg’ıwlardı orınlaw protsessinde 

oqıwshılarg’a fizikalıq ja’rdem ko’rsetiw. 

6). Gimnast ta’repinen orınlanatug’ın shınıg’ıwdın’ waqıt, ken’islik h’a’m ku’sh 

parametrleri xaqqında anıq mag’lıwmatlardı tez jetkerip beriw.