1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Gimnastikanın’ sport bag’darına ta’n tu’rleri 

Sport  gimnastikasının’  tiykarg’ı  mazmunı  -  bul  erkin  h’a’m  akrobatikalıq 

shınıg’ıwlar, u’skenedegi shınıg’ıwlar (sonın’ ishinde bo’rene shınıg’ıwları qızlar 

ushın)  h’a’m  sekiriwler.  Bul  shınıg’ıwlar,  h’a’zirgi  waqıtta  xalıq  aralıq  jarıs 

bag’darlamasına kirgizilip, o’z ishine adam denesinin’ barlıq anatomiyalıq ku’shin 

h’a’m dene ta’rbiyası h’a’reketlerin qamtıydı. Sonın’ na’tiyjesinde olar sportshının’ 

organizmine  h’a’r  ta’repleme  ta’sir  tiygizedi.  Olardın’  ishinde  en’  ta’sirlisi  erkin 

shınıg’ıwlar  bolıp  esaplanadı.  Erkin  shınıg’ıwlar  waqtında  h’a’rekettin’  ku’shin, 

xarakterin h’a’m mazmunın o’zgertiw mu’mkinshiligi ko’birek ko’rinedi. 

Sport gimnastikasında en’ tiykarg’ı orındı akrobatikalıq shınıg’ıwlar iyeleydi. 

Ol  gimnastikanın’  ulıwma  h’a’m  arnawlı  texnikalıq  tayarlıg’ında  za’ru’r  qural 

sıpatında paydalanıladı. Ko’p mug’dardag’ı quramalı h’a’m qıyın shınıg’ıwlardan, 

baslang’ısh  toparlar,    kishi  jastag’ı  balalar,  o’spirimler,  h’ayallar  ushın  sabaq 

materialları saylap alınıwı kerek. 

Akrobatika-  sport  gimnastikasındag’ı  shınıg’ıwlardın’  ja’rdemshi  sıpatında 

paydalanıladı.  Olardın’  bir  bo’legi  -  bul  statikalıq  shınıg’ıwlar,  polda,  partner 

ja’rdeminde  (u’shewlik,  to’rtewlik)  basta  turıw,  qolda,  iyinde  h’.t.b.  Olardı 

o’zlestiriw ushın ten’  salmaqtı  saqlaw  sezimi  ku’shli  rawajlang’an    bolıwı h’a’m 

ju’rek qan tamır sistemasının’ arnawlı tayarlıg’ı kerek. Sebebi olardın’ ko’bisi ayaqtı 

joqarıg’a qaratqan h’alda islenedi. 

Ekinshi  bo’legi  dinamikalıq  shınıg’ıwlar.  Bular  tiykarg’ı  u’sh  ken’islikte 

aylanıwlar  na’tiyjesinde  h’a’reket  orınlanadı  (denenin’  iyin  ko’sheri,  denenin’ 

qaptalg’a aylanıw ko’sheri, vertikal ko’sher boylap). Akrobatikalıq shınıg’ıwlardı 

sistemalıq tu’rde qollanıw ten’ salmaqlıqtı saqlawdı rawajlandırıwg’a, organizmnin’ 

xızmetin jetilistiriwge, h’a’rekettin’ tez h’a’m anıq isleniwin rawajlandırıwg’a ku’sh 

h’a’m ken’islikte deneni basqarıwdı jetilistiriwge ja’rdem beredi. 

---