1-modda. O‘zbekiston Respublikasining jinoyat to‘g‘risidagi qonunchiligi

Odamlardan foydalanish	—
boshqa shaxslarning fohishaligidan foydalanish yoki ulardan shahvoniy foydalanishning boshqa shakllari, majburiy mehnat yoki xizmatlar, qullik yoki qullikka o‘xshash odatlar, erksiz holat yoxud inson a’zolari yoki to‘qimalarini ajratib olish.

(sakkizinchi bo‘lim O‘zbekiston Respublikasining 2008-yil 16-sentabrdagi O‘RQ-179-sonli Qonuni asosida atama bilan to‘ldirildi — O‘R QHT, 2008-y., 37-38-son, 366-modda)

Oldindan ayon bo‘lish

—

qonunda bayon etilgan xulq-atvor va shart-sharoitlarga munosabat va bu munosabatning shaxs ulardan xabardorligidan dalolat berishi.

Oldindan til biriktirish

—

jinoyat ishtirokchilari o‘rtasida jinoyat sodir etish yoki jinoiy faoliyat bilan shug‘ullanish to‘g‘risida bunday harakatlarni amalga oshirishdan avval kelishib olish.

Oldingi tahrirga qarang.

Prekursorlar

—

prekursorlar ro‘yxatiga kiritilgan va O‘zbekiston Respublikasida nazoratga olinadigan, giyohvandlik vositalarini, ularning analoglarini va psixotrop moddalarni tayyorlash uchun foydalaniladigan moddalar

(sakkizinchi bo‘limning yigirma beshinchi xatboshisi O‘zbekiston Respublikasining 2018-yil 22-oktabrdagi O‘RQ-503-sonli Qonuni tahririda — Qonun hujjatlari ma’lumotlari milliy bazasi, 23.10.2018-y., 03/18/503/2080-son)

Poraxo‘rlik

—

pora olish, pora berish yoki bu jinoyatlarda vositachilik qilish.

Oldingi tahrirga qarang.