1-modda. O‘zbekiston Respublikasining jinoyat to‘g‘risidagi qonunchiligi

Tamom bo‘lgan jinoyat	—
muayyan jinoyat tarkibining barcha zarur alomatlarini o‘z ichiga oladigan ijtimoiy xavfli qilmish.

Tamom bo‘lmagan jinoyat

—

shaxsga bog‘liq bo‘lmagan sabablarga ko‘ra yoki jinoyat qilishdan ixtiyoriy ravishda qaytish tufayli oxiriga yetkazilmay qolgan jinoyat.

Fuqaroligi bo‘lmagan shaxs

—

biron-bir davlatning fuqarosi yuridik maqomiga ega bo‘lmagan jismoniy shaxs.

Oldingi tahrirga qarang.
(sakkizinchi bo‘limning 28, 29, 30-xatboshilari O‘zbekiston Respublikasining 2002-yil 30-avgustdagi 405-II-sonli Qonuni bilan chiqarib tashlangan — Oliy Majlis Axborotnomasi, 2002-y., 9-son, 165-modda)

Xizmat siri

—

oshkor qilinishi O‘zbekiston Respublikasi manfaatlariga zarar yetkazishi mumkin bo‘lgan fan, texnika, ishlab chiqarish va boshqaruv sohalariga doir ma’lumotlar.

Oldingi tahrirga qarang.

Xizmatchi

—

davlat organida, tijorat, notijorat tashkilotida mehnat shartnomasi yoki fuqarolik-huquqiy shartnoma asosida mehnat faoliyatini amalga oshiruvchi, mansabdor shaxs alomatlariga ega bo‘lmagan shaxs.

(sakkizinchi bo‘lim O‘zbekiston Respublikasining 2015-yil 20-avgustdagi O‘RQ-391-sonli Qonuniga asosan atama bilan to‘ldirilgan — O‘R QHT, 2015-y., 33-son, 439-modda)