1. Mehnat resurslarini mubofaza qilishning maqsadi. Mehnatni muxofaza qilishning tarkibiy qismlari

14-Mavzu.
Qurilish ta’mirlash ishlarida mehnatni muxofaza qilishning tarkibiy qismlari.
Reja:
1.Mehnat resurslarini mubofaza qilishning maqsadi.
2.Mehnatni muxofaza qilishning tarkibiy qismlari.

Mehnat resurslarini mubofaza qilishning maqsadi, vazifalari va tamoyillari

Mehnat resurslarini muhofaza qilish o'z maxsus maqsad va vazifalari, funksiyalari, tamoyillariga ega. Mehnat resurslarini muhofaza qilish unsurlarini o’zaro bog’liq
bo’lgan tizimli-tarkibiy model sifatida tasavvur etish mumkin. Qisqacha ularning tarkibi quyidagilardan iborat:
Mehnat gigiyenasi - gigiyena fanining inson mehnat faoliyati va ishlab chiqarish muhitini o’rganadigan bo’limi hisoblanadi. Mehnat gigiyenasi ishlab chiqarish muhitining inson organizmiga ta’sirini o’rganadi hamda mehnat sharoitlarini sog’lomlashtirish, kasb kasallikIarini oldini olishga qaratilgan gigiyenik chora-tadbirlar va me’yorlarni ishlab chiqadi. Ishlab chiqarish sanitariyasi mehnat gigiyenasining amaliyot qismi bo’lib, insonga zararlj ishlab chiqarish omillari ta’sirini bartaraf etishga qaratilgan tashkiliy, gigiyenik va sanitariya, texnikaviy tadbirlar tizimi hisobianadi.
Mehnat xavfsizligi - xodimga xavfli ishlab chiqarish omillari ta’sirini istisno etadigan mehnat shart-sharoitlarini yaratishdir.
Xavfli ishlab chiqarish omili - muayyan sharoitlarda ishlayotgan xodimga salbiy ta’sir natijasida uning jarohatlanishi yoki kutilmaganda salomatligi keskin yomonlashishiga olib keladigan omillardir.
Baxtsiz hodisa - xodimning u mehnat shartnomasi bo’yicha o’z vazifalarini ish beruvchining hududida ham, undan tashqarida ham bajarishi bilan bog’liq holda mehnatda mayib bo’lishiga yoki sog’lig’ining boshqacha tarzda shikastlanishiga olib kelgan va xodimni boshqa ishga o’tkazish zaruriyatini keltirib chiqargan, uning kasbga oid mehnat qobiliyatini vaqtincha yoki turg’un yo’qotishiga yohud vafot etishiga sabab bo’lgan hodisadir.