1-mehnat (йиллик) “Меҳнат ҳисоботи” статистика ҳисоботи шаклини тўлдириш бўйича тушунтиришлар

4-БОБ. ИШЧИ КУЧИНИ САҚЛАШ ХАРАЖАТЛАРИ ҚИЙМАТИ

23. 400-сатрда иш ҳақини ҳисоблашда ҳисобга олинмайдиган иш хақи, тўловлар ва харажатлар кўринишида жисмоний шахслар учун ҳисобланган даромадлардан ташкил топган меҳнат харажатларининг умумий миқдори кўрсатилади.

24. 401-405-сатрлар маълумотлари Солиқ кодексининг 371-374-моддаларига мувофиқ ҳисоблаб кўрсатилади.
25. 406-сатрда иш хақини ҳисоблашда ҳисобга олинмайдиган тўловлар ва харажатлар киритилади.
407-сатрда ходимларни уй-жой билан таъминлаш харажатлари: ташкилот томонидан ходимларга мулк сифатида берилган уй-жой қиймати, идоравий (балансдаги) уй-жой фондини сақлаш харажатлари, уй-жой қурилиши учун дастлабки бадал ёки шу мақсадда берилган кредитни тўлаш учун ходимларга берилган тўловлар, ходимларга уй-жой шароитини яхшилаш учун берилган қарзларни тўлаш харажатлари ва бошқа харажатлар киритилади;
408-сатрда кадрларни тайёрлаш ва қайта тайёрлаш харажатлари, стипендиялар ва бошқалар: ўқув биноларини сақлаш ва ижараси харажатлари, ходимларни пуллик ўқитиш харажатлари, ўқишга юборилган ходимлар учун ташкилот маблағлари хисобидан стипендиялар ва ходимларни ўқитиш ва қайта тайёрлаш учун бошқа харажатлар киради;
409-сатрда маданий - маиший хизмат кўрсатиш харажатлари: дам олиш ва бошқа маданий ва спорт тадбирлари; ошхоналар, кутубхоналар, клублар, спорт иншоотларини сақлаш харажатлари; тўгараклар, курслар, студиялар ва бошқа ишларни ташкил этиш харажатлари; боғдорчилик ширкатларини ташкил этиш харажатлари; корхона ходимларини умумий овқатлантириш учун ёрдамчи хўжаликлар томонидан сотиладиган маҳсулотлар нархлари фарқини қоплаш харажатларини ўз ичига олади;
410-сатрда ходимларни ижтимоий ҳимоя қилиш харажатлари: мажбурий суғурта бадаллари (ижтимоий солиқлар), мажбурий ва ихтиёрий суғурта бўйича тўловлар (бадаллар), меҳнат шартномаси (контракт) бекор қилинганда тўланадиган нафақа, пенсияларга қўшимча тўловлар, пенсияга чиққанда тўланадиган бир марталик нафақалар; ишлаб чиқариш жараёни билан боғлиқ бўлмаган айрим ходимларга тўланадиган моддий ёрдам (компенсация), ходимларга кўрсатилган тиббий хизматлар учун тиббиёт муассасаларига тўловлар бўйича харажатлар, ходимлар ва уларнинг оила аъзолари соғлигини тиклаш ва дам олиш учун йўлланмаларга тўловлар, вақтинчалик меҳнатга лаёқатсизлик учун нафақа тўлаш харажатлари ва ижтимоий ҳимоя учун бошқа харажатлар (корхона ёки ташкилот балансида бўлган тиббий пунктларни, диспансерларни, дам олиш уйларини сақлаш харажатлари ва бошқалар) киради.
26. 420-423-сатрларда ишчи кучини сақлаш билан боғлиқ бошқа харажатлар: хизмат сафари харажатлари, берилган махсус кийимлар, махсус пойафзал ва бошқа шахсий ҳимоя воситалари қиймати, сут ва даволаш-профилактика овқатлари харажатлари, қонун ҳужжатларида белгиланган нормалар доирасида ва ундан ташқари хизмат сафари учун шахсий автоуловлардан фойдаланганлик учун компенсациялар ва бошқа ёлланма меҳнатдан фойдаланиш билан боғлиқ харажатлар киритилади.
27. 424-сатрда Ишчи кучидан фойдаланиш билан боғлиқ солиқлар (хорижий ишчи кучини жалб қилиш учун тўлов) кўрсатилади.