1-Мавзу: Ўзбекистон миллий тараққиётининг янги босқичида фуқаролик жамиятининг шаклланиши ва ривожланиши

2. Фуқаролик жамияти: асосий тушунчалари, функциялари, ғоялар эволюцияси “Миллий тикланишдан миллий юксалишга” концептуал ғояси.
Мазкур ўқув курси ҳам бошқа ижтимоий-гуманитар фанлар каби мустақилдир. У барча фанлар қатори алоҳида ўз ўрни ва мавқеига эга бўлиб, барча ижтимоий-гуманитар фанлар билан узвий боғлиқ ҳолда ўрганилади.
“Ўзбекистонни ривожлантириш стратегияси” фанининг асосий қонуниятлари шу билан изоҳланадики,
биринчидан, у ўз хусусиятига кўра, Ўзбекистоннинг чинакам мафкуравий мустақиллигига эришишдан иборат ўз йўли, мамлакатни ижтимоий-иқтисодий ривожланиш стратегиясига асосланган ўзига хос хусусиятлари ва шарт-шароитлари ҳақида сабоқ беради. Талабаларни ислоҳотлар, воқеа ва ҳодисалар ҳақида керакли назарий хулосалар чиқаришга ундайди, юртимизнинг бой моддий ва маънавий меросини қадрлашга ундайди.
Иккинчидан, фанни ўрганишда барча ижтимоий-гуманитар фанлар учун хос барча шакл ва услубларга таянилади. Мавжуд воқеа ва ҳодисалар қатъий аниқликда, илмий, -ғоявий таҳлилга таянган ҳолда, маълум даврий кетма-кетликда, тарихий хронологик асосда ўрганилади. Уларни ўрганишда мустақиллик йилларидаги барча ижтимоий, сиёсий, иқтисодий ўзгаришлар, жараёнларга, уларнинг ўзига хос ривожланиш стратегиясига таянилади. Ваҳоланки бу талабаларни улардан келажак учун зарур сабоқ ва хулосалар чиқаришга ундайди. Талабаларга мустақиллик йилларида мамлакатимизда амалга оширилган туб ижтимоий-иқтисодий ислоҳотларнинг ғоявий асоси, жамиятни инновацион янгилаш ва модернизациялаш ҳақида билимлар бериш ўта долзарб масалалардан биридир. Бу хусусда Президентимиз Шавкат Мирзиёев Олий Мажлисга қилган Мурожаатномасида алоҳида қайд этган эди. Унда шундай дейилади: “....Ўзбекистонни технологик ривожлантириш ва ички бозорни модернизация қилиш бўйича кучли миллий ғоя, миллий дастур керак. Ушбу дастур Ўзбекистонни жаҳондаги тараққий топган мамлакатлар қаторига тезроқ олиб чиқишга имкон яратиши лозим”.
Ўзбекистоннинг ўз тараққиёт йўли миллий ривожланиш стратегиясини ўрганишда қуйидаги асосий ўзига хос қонуниятлари ва шарт-шароитлари (яъни жамиятимизда ижтимоий иқтисодий ва ғоявий муҳит)ни ҳисобга олиш муҳим аҳамият касб этади: