1-мавзу. Замонавий информатика курсининг тузилиши ва асосий тушунчалари

2-асосий саволнинг баёни:
Замонавий информатика курсининг асосий тушунчалари ва уларнинг мазмунини қуйидагича келтириш тавсия этилади.
Амалий информатика мазмунидаги асосий тушунчаларга ахборот, алгоритм, модел ва моделлаштириш, дастур ва дастурлаш, компьютер ва уларнинг тузилиши, таркиби, тармоқ ва компьютер тармоқлари, амалий ва тизимли дастурлар, ахборот технологиялари ва уларнинг қўлланилиш соҳалари каби масалалар ўрин олади.
Ижтимоий информатика мазмунида ижтимоий соҳа объектларини бошқаришни автоматлаштириш, ижтимоий тармоқлар ва улар орасидаги муносабатларга оид масалалар ўрин олади. Уларнинг асосини глобал тармоқдаги қуйидаги қуйидаги масалалар ташкил этади:
1. Интернет ижтимоий тармоқ хизматлари:
- Ижтимоий тармоқ тушунчаси;
- Ижтимоий тармоқларнинг мақсад ва вазифалари;
- Синфдош (sinfdosh.uz) ижтимоий тармоқ мақсад ва вазифалари;
- Фейсбук (facebook.com) ижтимоий тармоқ мақсад ва вазифалари;
- Ижтимоий тармоқларда маълумотлардан, шу жумладан шахсий маълумотлардан фойдаланиш маданияти.


Ижтимоий тармоқ тушунчаси. Таркиби, фақатгина иштирокчилардан иборат ва улар орасида мулоқатни ўрнатувчи, кўп фойдаланувчили интерактив веб сайтлар асосида яратилган тармоқ ижтимоий тармоқ деб тушунилади.
Ижтимоий тармоқнинг мақсади интернетда ўзаро қизиқишлар ёки фаолиятга эга шахслар билан мулоқот қуришдан иборат. Ўзаро алоқа ички почта ёки хабар алмашиш тизими орқали амалга оширилади. Ижтимоий тармоқлар очиқ ёки ёпиқ бўлиши мумкин. Ижтимоий тармоқ хусусиятларининг бири – дўстлар ва гурухлар тизими.
Одноклассники (odnoklasniki.ru) ижтимоий тармоғи мақсад ва вазифалари. Бундай веб сайтларда одатда ўзингиз хақингиздаги маълумотларни жойлаштирасиз (Туғилган кун, мактаб, севимли машғулот ва бошқалар). Ўз навбатида сиз хам қидирётган қатнашчингизни шу турдаги маълумотларини олишингиз мумкин.
Синфдош (sinfdosh.uz) ижтимоий тармоғи мақсад ва вазифалари. Ушбу веб саҳифа Одноклассники (odnoklasniki.ru) ижтимоий тармоғи яратилиши мақсад ва вазифалари билан бир хил бўлиб, фақатгина Ўзбекистонликлар фуқоралар учун яратилган ва мослаштирилган.
Ижтимоий тармоқларнинг интернетдаги ғалабали юриши 1995 йилда америкаликларнинг Classmatec.coм (Однаклассники унинг русча аналоги хисобланади) ижтимоий тармоғи яратилиши билан бошланди.