1. Mavzu: Yog’

53-rasm.
Mato asosidagi linolium.
Polivinilxlorid linolium uzunligi kamida 12 m va eni 1200-1600 mm bo’lgan bir en mato ko’rinishida chiqariladi. Linoliumning qalinligi 1,2—6 mm. Rangi bo’yicha bir rangli (har xil ranglar), marmarsimon va guldor bo’lishi mumkin,
Gliftal (alkid) linolium mato asosida uzunligi kamida 20 m, eni 1800—2000 mm va qalinligi 2,5—5 mm bo’lgan bir en mato ko’rinishida chiqariladi. U bir rangli (har xil rangda) yoki ko’p rangli (bosma rasmli) bo’lishi mumkin. Uning issiqlik- tovush izolyasion xossalari polivinilxlorid linoliumnikiga nisbatan bir oz yuqori.
Gliftal linolium yordamchi binolarda pollar qilish uchun xizmat qiladi.
Kolloksilin (nitrosellyuloza) linolium asosi bo’lmagan rulon materialdan iborat. Sanoatda uzunligi 20 m, eni 1000—1600 mm va qalinligi 2—4 mm bo’lgan rulon ko’rinishida chiqariladi. Linoliumning rangi odatda qizil yoki jigar rangning nozik turlarida bo’ladi (54-rasm).

54-rasm.
Kolloksilin linolium.


Rezinali linolium (relin) ikki qatlamli rulon material bo’lib, unda asosiy to’shaladigan qatlam sifatida maydalangan eski rezina va neft bitumining asbest va ip-gazlama tolalarining chiqindilaridan ozgina miqdorda qo’shilgan vulkanizasiyalangan aralashmasidan foydalaniladi. Relinning ancha yupqa (1 —1,5 mm) va mustahkam ustki yuza qatlami sintetik kauchuk asosida tayyorlangan to’ldirgichli rangli rezinadan iborat.
Relin rulonlarining uzunligi kamida 12 m, eni 1000—1600 va qalinligi 3 va 5 mm. Relin qalinligi 4—6 mm issiqlik-tovushdan izolyasiyalaydigan g’ovak asosda ham tayyorlanadi. Relinning sirti silliq rangli, bir xil tusli yoki turli-tuman tomirli marmarga o’xshagan bo’ladi. Relin yordamchi xonalarda, jamoat va sanoat binolarida, shuningdek ekspluatasiya qilish namlik rejimi yuqori bo’lgan xonalarda pollar qilish uchun ishlatiladi.
Ko’piklangan lateks asosida tayyorlanadigan tukli sintetik gilam — ikki qatlamli
rulon material bo’lib, unda yeyilishga chidamli ustki rollam poliamid (kapron) matodan, asosi esa ko’pirtirilgan tabiiy yoki sintetik lateksdan bajarilgan (54 - rasm).