1. Mavzu: Yog’

57-rasm.
Polivinilxlorid plitkalar.

Polivinilxlorid plitkalar bir xil rangli yoki marmarsimon rangli qilib, 300x300 va

200X200 mm o’lchamlar va 1,5—3 mm qalinlikda tayyorlanadi (57-rasm). Ular suvga chidamli, kislotalar va mineral moylarning kuchsiz eritmalarining ta’siriga
turg’un bo’ladi, bundan tashqari ular yeyilishga, ezilishga katta qarshilik
ko’rsatishi, yuqori darajada egiluvchanligi va olovbardoshligi bilan xarakterlanadilar. Polivinilxlorid plitkalarning kamchiligi — issiqdan himoyalash xossalarining pastligidir.
Polivinilxlorid plitkalar turar joy va jamoat binolarining oshxonalari va yordamchi xonalarida, shuningdek sanoat binolarining maishiy hamda ba’zi ishlab chiqarish
xonalarida ishlatish tavsiya qilinadi. Polivinilxlorid yotqiziladigan asos yog’och
tolali yoki yog’och payraxa plitalardan qilinsa ko’ngildagidek bo’ladi.
Kumaron plitkalar qalinligini 3—4 mm va o’lchamlarini 300x300 va 200x200 mm qilib chiqariladi. Ular yetarli darajada mustahkam, suvga chidamli, yeyilish va ezilishga yaxshi qarshilik ko’rsatadilar, gigiyena talablarini qoniqtiradi va ximiyaviy jihatdan turg’un, lekin issiqlikdan himoyalash xossalari past bo’ladi. Bu
plitkalardan jamoat binolarining koridorlarida, shuningdek serharakat xonalarda pollarni qoplash uchun foydalaniladi. Plitkalarning ayni turidan ishlab chiqarish rejimi nam va issiq bo’lgan xonalarda foydalanish tavsiya qilinmaydi.
Rezina plitkalar relin olinadigan komponentlarning o’zidan olinadi, o’lchamlari
300x300 va 500X500 mm, qalinligi 3,5 va 10 mm. Ular suvga, kislotaga, issiqqa va ishqorga chidamli bo’ladi, issiqlik va tovush o’tkazuvchanligi kichik, yeyilishga chidamli, egiluvchan va elastik. Rezina plitkalardan qilingan qoplamalar gigiyena
talablarni yetarli darajada qoniqtiradi, foydalanish tejamli, yaxshi manzarali
ko’rinishga ega.
Rezina plitkalar sanoat va jamoat binolarida, shuningdek, nam xonalarda pollarni qoplash uchun mo’ljallangan.