1. Mavzu: Yog’

3.Choksiz yaxlit pollar uchun materiallar.
Choksiz yaxlit pollar asosga mastikali tarkiblarning bitta yoki bir nechta
qatlam yuritib bajariladi. Mastikali tarkiblar sintetik bog’lovchilar, to’ldirgichlar va pigmentlardan tayyorlanadi. Bog’lovchilar sifatida karbamid, poliefir va boshqa
smolalardan foydalaniladi.
Yaxlit pollarni bajarishda pol qoplamasida choklar, do’nglar, g’ovaklar va g’adir- budirliklar bo’lmasligi zarur, qoplam rangi bir jinsli bo’lishi kerak. Choksiz yaxlit pollar mustahkam, yeyilishga chidamli, elastik, gigiyena talablarini qoniqtiradi, yaxshi tashqi ko’rinishga ega va ekspluatasiya qilish qulay.
Dastlabki materiallarga qarab choksiz yaxlit pollar polivinilasetatli, polimersementli va plastbetonli pollarga bo’linadi.
Polivinilasetatli pollar jamoat binolari va yengil, oziq-ovqat hamda asbobsozlik sanoatining xonalarida qilinadi, chunki ishlab chiqarish-texnologiya rejimi bo’yicha pol tozaligiga yuqori talablar qo’yiladi. Qoplamalarning ayni turidan yuqori nam rejimli xonalardagi, shuningdek polga zarb nagruzka ta’sir qiladigan ishlab chiqarish binolaridagi pollar uchun foydalanib bo’lmaydi.
Polimersementli va plastbetonli qoplamalar yuqori mustahkamlikka ega, yeyilishga chidamli, asos bilai yaxshi tishlashadi, suv o’tkazmaydi va gigiyena talablarini qoniqtiradi. Jamoat va sanoat binolarining foydalanish (o’tish) yuqori bo’lgan xonalarida, shuningdek pollarga mineral moylar ta’sir qilishi mumkin bo’lgan joylarda ulardan foydalanilsa maqsadga muvofiq bo’ladi.