|
Yangi mavzu bayoni ( 3-ilova)
Mavzu: Tibbiyotda grafik ma'lumotlar yaratishdagi dasturiy vositalar. (Tibbiyot ma'lumotlarini taqdim etish uchun taqdimotlar yaratish Adobe Photoshop dasturidan foydalanish).
Reja:
1.Tibbiyotda grafik ma'lumotlar yaratishdagi dasturiy vositalar.
2. Tibbiyot ma'lumotlarini taqdim etish uchun taqdimotlar yaratish Adobe Photoshop dasturidan foydalanish.
3.3-laboratoriya mashg`uloti.
Bugungi kunni kompyuter grafikasisiz tasavvur etish qiyin.
Zamonaviy teleko‘rsatuvlar, multfilmlar, uylar va binolar dizayni– barchasi kompyuter grafikasi ishtirokida amalga oshirilmoqda.
Kompyuter grafik obyektlari quyidagi turga bo‘linadi:
Rastli,2. Vektorli, 3 Fraktal. Uch turdagi grafik obyektlarning o‘zi hozirgi
kunda 2D va 3D obyekt turlariga ham bo‘linadi. Barcha kompyuter grafik obyektlari, albatta, kompyuter grafik muharrirlari yordamida yaratiladi, qayta ishlanadi. Bunday kompyuter grafik muharrirlariga Photo Shop, Macromedia Flash, Corel Draw, AutoCAD, Paint, Indesign dasturlari misol bo‘la oladi. Bu dasturlarda ishlashganda, hujjat yaratishning ayrim qirralarini o‘rganganda, dasturlarning ustivor yo‘nalishlarini aniqlay olish zarur. Bundan tashqari multimediya hujjatlar yaratish, elektron resurslar yaratish dasturiy ta’minotlari mavjud.
Ularga MS Office dasturining MS Power Point, Adobe Presenter,Prezi, Ispring, Lectora va Articulate kabi dasturlar misol bo‘ladi.
Multimediya so‘zining ma’nosi: multi – ko‘p mediya – muhit deganidir, ya’ni bitta hujjatga bir necha formatli fayllarni joylashtirishdir.
Tibbiyot sohasining bugungi kunini zamonaviy diagnostika apparatlarisiz tasavvur etish qiyin. Bunda, avvalo, kasallikning rivojlanishi, darajasi haqida raqamli axborotga ega bo‘lgan holda davolash usullarining qo‘llanilishi,bevosita davolashning samaradorligini oshiradi. Aynan organizm tuzilishi va unda
kechayotgan funksional o‘zgarishlarni kompyuter grafikasi yordamida aniqlanish usullarini yoritish va bayon etish, tushuntirish biologik va tibbiy informatikaning asosiy vazifalaridan biridir.
Vizual tasvirning biotibbiy informatikasi raqamli axborot orqali organizmda kechayotgan jarayonning dinamik maydonini tavsiflab beradi. Ekranda oladigan tasvirimiz bevosita modal axborotning raqamli axborotga generatsiyalanishi maxsulidir,uning natijasida ekranda kerakli tasvirlarga ega bo‘lgan holda jarayonni baholash imkoniyatiga ega bo‘lamiz.
Adobe Photoshop — Adobe Inc. firmasi tomonidan ishlab chiqilgan va tarqatilyotgan koʻpfunksiyali grafik redaktor. Asosan rastrli tasvirlar bilan ishlashga moʻljallangan, biroq bir nechta vektorli vositalariga ega. Dastur Adobe firmasi mahsuloti sifatida mashhur va rastrli tasvirlarni tahrirlashda dunyoda eng oldi brendi hisoblanadi. Hozirda Photoshop macOS, Windows platformalariga, iOS, Windows Phone va Android mobil tizimlariga moslashtirilgan. Yana Windows 8 va Windows 8.1 uchun Photoshop Express versiyasi ham mavjud. Adobe Photoshop tasvirlarni tahrirlashdagi proffesional redaktor hisoblanadi.
Adobe Photoshop dasturining ishlab chiqilgan sanasi birorta kalendarda qayd etilmagan. Biz ishlatadigan Adobe Photoshop dasturining 2005-yilda bir yilligi nishonlandi. Bundan 17 yil oldin, fevral oyida, „Adobe“ kompaniyasi, Rassomlar, fotograflar, dizaynerlar orasida hozirgacha mashhur boʻlgan „Photoshop — 1.0“ muallifini eʼlon qildi. Photoshop dasturi bugungi kunda, „kompyuter grafikasi“ sohasi boʻyicha eng oldingi oʻrinda turibdi va mustaqil dastur boʻlib ajraldi. Biz foydalanayotgan Adobe Photoshop dasturining boshlanishi ancha ilgari boʻlgan. Hozir 41 ta muallifi eʼlon qilingan dasturni aslida aka-uka Jon Noll va Tomas Nollar boshlab bergan. Ularning otasi fotograf boʻlib, ular yertoʻlada joylashgan fotolabaratoriyada otasiga yordam berar edilar. Tomas nur va rang kontrastini oʻrgandi. Jonn esa eski „Apple“ da ishlashga qiziqardi. 1984-yilda Aka-uka Nollarga otasi dastlabki Macintosh olib berdi. Uning imkoniyatlarining koʻpligi shu dasturni tuzishga sabab boʻldi.
Do'stlaringiz bilan baham: |
