1-mavzu: sotsial geografiyaning ob’ekti va predmeti reja

Ijtimoiy geografiyaning muxim vazifalariga quyidagilar kiradi:
1) ijtimoiy geografiya «tarmoq»larini rivojlantirish, ya’ni aholi geografiyasi va joylashuvi, xizmat ko’rsatish sohalari, iste’mol, rekreatsiya va boshqalar;
2) yirik masshtabli sotsial — geografik tadqiqotlarni olib borish;
3) ijtimoiy geografiyaning xorijiy mamlakatlarda rivojlanishini o’rganish;
4) ijtimoiy geografiyaning barcha yo’nalishlariga tegishli bo’lgan o’ziga xos vazifasi, ya’ni ilmiy tadqiqotlarning natijalarini amaliyotga tadbiqini kuchaytirish.
Hozirgi davrda ijtimoiy geografiya shakllanish jarayonlarini boshidan kechirmoqda. SHu sababdan, aynan shu davrga xos bo’lgan eng dolzarb muammolar jumlasiga quyidagilar kiritiladi:

• 
  ijtimoiy — geografik rayonlashtirish (printsiplari, mezonlari, ko’rsatkichlar tizimi, tadqiqot usullari, iqtisodiy va boshqa turdagi rayonlashtirish turlari bilan nisbati);
  
• 
  aholining turmush tarzi va darajalaridagi, ijtimoiy tuzilmalar va ularning tadrijidagi, ijtimoiy sohalarni hududiy tashkil etishdagi rayonlararo tafovutlar);
  
• 
  umumlashtiruvchi va maxsus ijtimoiy —geografik tipologiyalar (geodemografik vaziyat, shaharlar va aholi joylashuvi tizimlari, qishloq joylar va boshqalar);
  
• 
  tibbiy — geografik tadqiqotlar va ularning dolzarbligini yetarlicha baholanmaslik va x.k.
  

Mazkur muammolarning xar biri ijtimoiy geografiyani to’la shakllanishi va rivojlanishida muxim ahamiyattlar kasb etadi.


2-MAVZU: IJTIMOIY GEOGRAFIYA VA AHOLINING IJTIMOIY RIVOJLANISHI
Reja:

1. 
   Aholi - ijtimoiy geografik tadqiqotlarning asosi ekanligi. Aholining ham ishlab chiqaruvchi, ham iste’molchilik roli.
   
2. 
   Aholining geodemografik xolati. Aholi soni va uning o’sishi, joylashuvi.
   
3. 
   SHaxar va qishloq aholisi. Urbanizatsiya jarayonlarining rivojlanishi.
   
4. 
   Aholi zichligi va uning ijtimoiy-iqtisodiy oqibatlari.
   
5. 
   Aholi migratsiyasi va uning ijtimoiy oqibatlari
   

Aholi ko’pchilik fanlar uchun umumiy tadqiqot ob’ektidir. Bunda har bir fan o’zining o’rganish predmetiga ega. Jumladan, demografiya aholining takror barpo bo’lishi masalalari bilan shug’ullansa, sotsiologiya fani jamiyatdagi turli kishilar guruxlari o’rtasida paydo bo’ladigan munosabatlar, jarayonlar qonuniyatlarni o’rganadi.