1-mavzu: “Soliqlar va soliqqa tortish” fanining predmeti va uni o‘rganish usullari «Soliqlar va soliqqa tortish»

Qisqacha xulosalar
Davlat asta - sekin rivojlanib borishi bilan, uning funksiyalari ham muvofiq ravishda kengayib boradi. Bu esa soliqlarga nisbatan qo‘yiladigan talabning kuchayishiga olib keladi. Shu sababli soliq tizimi tobora murakkab va ko‘p qirrali bo‘lib boradi. Kishilik jamiyati rivojlanishi tarixi shuni ko‘rsatadiki, davlat ma'muriy boshqaruv bilan shug‘ullangan hollarda uning ehtiyojlari ma'lum darajada saqlanib qoladi, davlatning iqtisodiyotni boshqarish majburiyati paydo bo‘lsa, uning xarajatlari va aholidan olinadigan tushumlari ko‘payadi. Bunday holatda soliqlarning shakllari pang-baranglashib boradi.
«Soliqlar va soliqqa tortish» fanining predmeti –soliq to‘lovchilarning soliqlar va ularga tenglashtirilgan to‘lovlarning iqtisodiy mohiyati, davlat byudjeti daromadlarini shakllantirishdagi ahamiyati, soliq tizimi va siyosati, soliq turlarlari bo‘yicha belgilangan imiyozlar tizimi, soliqlarni hisoblash mexanizmining amaldagi holatini o‘rganishdan iborat. Jumladan, soliq to‘lovchilar va uni o‘zlashtiruvchi, davlat byudjeti, majburiy to‘lovlar, moliyaviy munosabatlar kabi elementlarning o‘zaro iqtisodiy munosabatlarga kirishish jarayonlarining uslubiy jihatlari, qirralari keng ko‘lamda o‘rganiladi.


Nazorat va muhokama uchun savollar

1. 
   «Soliqlar va soliqqa tortish» fanini o‘qitishning maqsadi va vazifalari nimalardan iborat?
   
2. 
   «Soliqlar va soliqqa tortish» fanini o‘qitish nima uchun kerak?
   
3. 
   Fanni o‘rganishdagi alohida usullar haqida tushuncha bering?
   
4. 
   «Soliqlar va soliqqa tortish» fani qaysi iqtisodiy fanlar bilan aloqadorlikda o‘rganiladi?
   
5. 
   Fanni o‘rganishdagi umumiy usullar haqida tushuncha bering?
   
6. 
   «Soliqlar va soliqqa tortish» fani soliq munosabatlarining qaysi jihatlarini o‘rgatadi?
   
7. 
   «Soliqlar va soliqqa tortish» fanining soliq xizmati xodimlarini tayyorlashdagi roli qanday?
   
8. 
   «Soliqlar va soliqqa tortish» fanini o‘rganishning qanday usullari mavjud?