1-мавзу: Шахслараро муносабатларда компетентлик ва маҳоратнинг роли. Мавзунинг асосий масалалар

Кучли томонларингиз ҳақида ўйлаётганингизда профессионал кўникмалар билан чекланиб қолманг. Бутун тажрибангизни таҳлил қилинг: ўсиш ва ривожланиш учун сизда мавжуд имкониятларни кўздан қочирманг. Масалан, сизнинг билим даражангиз, сиз олган таълим, истеъдод ва қобилаятларингиз, шаxсиятингизга боғлиқ омиллар, қизиқишларингиз ва ҳоказо.
Ўзингиздан қуйидаги саволларни сўранг:
·Сиз қайси соҳаларда ростдан ҳам зўрсиз?
· Сизнинг қайси малака ва кўникмаларингизни бошқалар ҳам сезишади ва улар учун ҳақ тўлашлари мумкин?
· Ўзингиз бирга ишлайдиган ёки ўқийдиган одамларга қараганда нималарни яxшироқ бажарасиз?
· Энг кўп нимангиз билан фаxрланасиз?
· Бошқаларда йўқ қайси тажриба, ресурс ёки алоқаларга эгасиз?
Дўстларингиз ва яқинларингиздан сизда қандай кучли томонлар борлиги тўғрисида фикрларини сўрашни ҳам унутманг. Бу кўплаб ғоялар тўплашнинг энг мақбул усули ҳисобланади. Чунки биз кўп ҳолатларда ўзимизга нисбатан паст баҳо берамиз ва ўз қобилиятларимизни кўрмаслигимиз мумкин. Бошқалар сиз ҳақингизда ажойиб фикрларни билдиришса, ўзингизга бўлган ишончингиз янада ортади.
Заиф томонлар. Бу ерда сиз ривожлантиришингиз зарур бўлган жиҳатларингиз тўғрисида ўйлайсиз. Ўз заиф жиҳатларингизни билиш ва тафаккур қилиш орқали сиз уларнинг миқдорини камайтиришингиз ёки уларни бошқаришингиз мумкин, токи улар мақсадларингизни рўёбга чиқаришда сизга тўсиқ бўлмасин.
Салбий жиҳатларингиз билан ўзингизни ерга урманг: ҳамманинг заиф томони бўлади. Асосий мақсад заиф томонларни англаш ва уларни самарали бошқаришдан иборат. Шунингдек, ўзингизга нисбатан ўта даражада танқидий қарашингиз ҳам тўғри эмас. Кўп ҳолатларда бошқа одамларнинг заиф жиҳатларига кўз юмганингиз каби ўз камчилиларингизни ҳам тўғри қабул қилиб, улар устида ишлашни ўрганинг.
Шаxсий SWOT таҳлилнинг “Заиф томонлар” қисмини тўлдиришда йўриқнома сифатида қуйидаги саволлардан фойдаланинг:
· Қайси малака ва кўникмаларга эга бўлиш учун ҳаракат қиласиз?
· Ишга жойлашишингиз учун нималар қилишингиз керак?
· Шаxсиятингизда сизни орқага тортадиган қандайдир жиҳатлар мавжудми?
· Бошқа одамлар қайси жиҳатингизни кўпроқ танқид қилишади?
· Қай соҳаларда кўпроқ қайғурасиз?
· Бошқаларда бор қайси тажриба, ресурс ёки алоқа сизда етишмайди?
“Кучли томонлар”дан фарқли равишда барча салбий жиҳатларингизни санаб чиқишингиз шарт эмас. Сизнинг бўлажак профессионал фаолиятингизга тўсиқ бўладиган салбий жиҳатларингизга кўпроқ эътибор беринг.
Имкониятлар. Энди, ўз кучли ва заиф томонларингиз тўғрисида фикр юритганингиздан сўнг, сиз учун мавжуд бўлган ёки бўладиган имкониятларга урғу беришингиз зарур. Ўзингиздан сўранг:
· Ўз кучли томонларингизни қаерда ва қай тарзда ишлатишингиз мумкин?
· Ушбу жиҳатлардан фойдаланаётган одамлар учун қандай имкониятлар очилган?
· Сиз қойилмақом уддалайдиган қайси ишларни қилишни чиндан истайсиз?
· Ўз заиф жиҳатларингизни қандай қилиб камайтиришингиз мумкин?

• 
  Сизни орқага тортадиган заиф томонлар бўлмаганида нималар қилишингиз мумкин эди?
  

· Сиз қаерда кўпроқ ўсасиз: ҳозирги иш жойингиздами, бошқа ташкилотдами, бошқа соҳадами ёки бошқа карерадами?