1-mavzu: «Restoran biznesi»fanining maqsadi va vazifalari Reja

1-mavzu: «Restoran biznesi»fanining

maqsadi va vazifalari

Reja:

1. «Restoran biznesi»fanining maqsadi va vazifalari

2. Umumiy ovqatlantirish korxonalarida restoranlarning tutgan o‘rni

3. Restoranlarning paydo bo‘lish tarixi

1. «Restoran biznesi»fanining

maqsadi va vazifalari
Mamlakatda amalga oshirilayotgan islohotlar negizida iqtisodiyotni erkinlashtirish, mamlakatni modernizatsiyalash, makroiqtisodiy barqarorlikni ta’minlash evaziga uzluksiz iqtisodiy o‘sishga erishishdek dolzarb vazifa qo‘yilgan. Bu o‘z navbatida, iqtisodiyotda erishilgan yutuqlarning asosi sifatida bozor munosabatlarining qaror topishi, mulk shakllarining takomillashuvi, iqtisodiyotdagi keskin tuzilmaviy o‘zgarishlarning sodir bo‘lishi, servis va xizmat ko‘rsatish sohalarining yalpi ichki mahsulotdagi ulushining ortib borishi kabilar bilan baholanmoqda.

Iqtisodiyotni modernizatsiya qilish sharoitida mehmonxona xo‘jaligining asosiy tarkiblaridan bo‘lgan restoran xizmati faoliyatining nazariy va amaliy jihatlarini o‘rganish, u haqdagi bilimlarni egallash turizm sohasini rivojlanishida muhim ahamiyat kasb etadi.

Xorijiy turistlar, ichki turistlar va mahalliy aholiga ovqatlantirish xizmatlarini ko‘rsatishda restoran xizmatlarini tashkil qilish, O‘zbekistonda faoliyat ko‘rsatayotgan umumiy ovqatlantirish korxonalarining turlari va vazifalari, umumiy ovqatlantirish korxonalari bozorida restoran xizmatlarining o‘rni haqidagi bilimlarni egallash turizm sohasini rivojlanishida muhim ahamiyat kasb etadi.

Fanning o‘qitilishidan maqsad – bakalavrlarga turistlarga ovqatlantirish xizmatlarini ko‘rsatishda restoran xizmatlarini tashkil qilish va usullarini o‘rgatish, O‘zbekistonda faoliyat ko‘rsatayotgan umumiy ovqatlantirish korxonalarining turlari va vazifalari, umumiy ovqatlantirish korxonalari bozorida restoran xizmatlarining o‘rni to‘g‘risida bilimlar berish hisoblanadi.

Fanning vazifasi qo‘yidagilardan iborat:

• 
  «Restoran biznesi»fanining maqsadi va vazifalari;
  
• 
  Umumiy ovqatlantirish korxonalari va ularning tasniflanishi;
  
• 
  Restoranlar va umumiy ovqatlantirish korxonalarining tashkiliy boshqaruv tuzilmasi;
  
• 
  Turizm sohasida restoranlar ovqatlantirishning asosiy tizimi sifatida;
  
• 
  Restoran boshqaruvida kadrlarni tanlash va joylashtirishni tashkil etish;
  
• 
  Restoranda xizmat qiluvchi xodimlarning vazifalari;
  
• 
  Restoran xo‘jaligida sanitariya-gigiyenik talablarni tashkil etish;
  
• 
  Restoranda taomnoma va uni tuzish tartibi;
  
• 
  Restoran xizmatlarida texnologik jarayonlar tavsifi;
  
• 
  Restoranda mijozlarga xizmat ko‘rsatishni tashkil etish;
  
• 
  Restoranda xizmat ko‘rsatishning maxsus turlari va shakllari;
  
• 
  Restoran oshxonasida ishlatiladigan idish-tovoqlar va anjomlar;
  
• 
  Stolni servirovka qilish jarayonlari;
  
• 
  Restoranlarda ovqatlantirish zalini tayyorlash;
  
• 
  Banket konferensiyalarni tashkil etish;
  
• 
  Restoran xizmatlarida xavfsizlik qoidalari;
  
• 
  Restoran faoliyatini samarali tashkil qilish;
  
• 
  Restoran biznesini rivojlantirishda reklamaning o‘rni;
  
• 
  Dunyo xalqlari ovqatlantirishida restoranning o‘rni haqida bilimlar berish.