1-Mavzu. Qurilishning respublika iqtisodiyotida tutgan o‘rni

Ишлаб чиқаришни кенгайтириш - янги цехлар қуриш янги қурилиш-монтаж бошқармаларини ташкил қилиш, ёрдамчи ва хизмат кўрсатувчи хўжаликларни қайта ташкил қилиш, бўлинма ва филиаллар ташкил қилиш ва бошқа мавжуд ишлаб чиқариш қувватларига тааллуқли бўлмаган чора-тадбирларни амалга ошириш орқали ишлаб чиқариш ҳажмини ошириш.
Корхоналарни қайта таъмирлаш - асосий, ёрдамчи ва хизмат кўрсатишга мўлжалланган цех ва объектларни ишлаб чиқаришни фан, техника ва илғор ишлаб чиқариш ютуқларидан фойдаланиш асосида такомиллаштириш мақсадида қайта таъмирлаш.
Стандартлаштириш - стандартларни белгилаш ва қўллаш жараёни. Стандарт - бошқа шунга ўхшаш объектларни таққослаш учун керак бўладиган намуна, эталон, моделдир. Меъёрий-техник ҳужжатлардаги стандартлар стандартлаштирилаётган объектга қўйиладиган ва бажарилиши мажбурий бўлган меъёрий талаблар, қоида ва шартлар мажмуасини белгилайди.
Илмий-техник салоҳият - лойиҳа ишланмалари ва ишлаб чиқариш қарорларининг техник савиясини оширишнинг принципиал имкониятлари. Бу қарорларга эришиш, одатда, маълум бир тадқиқотлар ва ташкилий-техник чора-тадбирларни амалга оширишни талаб қилади.
Инновацион стратегия - корпорациянинг мақсад ва вазифаларини аниқлаш, бу вазифаларни бажаришнинг принципиал сиёсати ва режаларини белгилаб берувчи системали, яхши тайёрланган ташкилий шароитлар мажмуаси.
Инновацион қарор (ечим) - корхонада (қурилиш ташкилотида) янгиликлардан фойдаланишни жорий қилишга оид бошқарув қарорини қабулқилишнинг комплекс жараёни. қуйидаги босқичларни ўз ичига олади: уюштирилган янгиликлар (эҳтиёж ҳақида хабардор қилиш, англатиш), янгиликка оид қарорларни қабулқилиш (ахборотларни мақсадли равишда тўплаш ва танлаб олиш), янгиликларни ўзлаштириш (мослашув, мустаҳкамлаш).
Корхонанинг инновацион салоҳияти - қурилиш ташкилоти ва корхонасининг янгиликларни жорий қилиш ёрдамида бозор шароитларида фаолиятнинг самарадорлигини ошириш мақсадида корхонанинг ўзига хос хусусиятлари билан (қуйи тизимларнинг сифати ҳамда ташқи ва ички алоқаларнинг сифати билан) белгиланадиган ривожланиш қобилияти. Корхонанинг инновацион салоҳияти ташкилотнинг ички инновация жараёнидаги барча босқичларнинг (ижтимоий меҳнат ва ресурсларнинг сарф меъёрлари асосида) бир маромда кечишига имкон беради