1-Mavzu. Qurilishning respublika iqtisodiyotida tutgan o‘rni

Изоҳли луғат
Илмий техник-тараққиёт — бу жамият ишлаб чиқариш кучлари даражасини кўрсатиб берувчи кўрсаткич бўлиб, тармоқлар ва замонавий ишлаб чиқариш қуроллари билан қуролланганлиги ва меҳнат предметларини ҳамда фаннинг самарадорлигини аниқлаб беради.
Саноатлаштириш — бу кўпгина ишлаб чиқариш жараёнларини қурилиш майдончаларида завод муҳитига кўчириш демакдир. қурилиш ишлаб чиқаришини саноатлаштиришга типик мисол бўлиб, ўз вақтида ташкил қилинган ва ҳозир ҳам амал қилаётган уй-қурилиш комбинатлари темур-бетон маҳсулотларини ишлаб чиқарувчи заводлар қурилиш конструкцияларини ишлаб чиқарадиган комбинатлар ҳисобланади.
Иш механизацияси коэффициэнти — механизацион йўл билан бажариладиган иш ҳажмининг умумий бажарилган иш ҳажмига нисбати.
Меҳнатнинг механик қуролланганлик коэффициенти — механизацион йўл билан бажарилган иш ҳажмининг умумий бажарилган иш ҳажмига нисбати
Ишнинг энергетик қуролланганлик коэффициенти — қурилишда ишлатиладиган машина ва механизмлар двигателларининг умумий қувватининг йиллик қурилиш монтаж ишлари ҳажмига нисбати. Ушбу кўрсаткич кВт’да ўлчанади.
Институтлар — бирламчи тадқиқотларга ихтисослашган ва фаннинг маълум бир соҳасидаги ривожланиш учун жавобгар ташкилот.
Илмий тадқиқот институтлари — икқиламчи тадқиқий ишларига ихтисослашган ва маълум бир тармоғи ишлаб чиқариш ёки илмий техник даражасига жавобгар бўлган тармоқли ташкилот.
Лойиҳалаш, конструкторлик, технологик ташкилотлар, технологик иқтисодий тадқиқот институтлари — конструкторлик технологик лойиҳалаш ёки ташкилий ишлаб чиқаришга ихтисослашган маҳсулот самарадорлиги, технологияси ишлаб чиқаришни ташкил этиш ва лойиҳаларга жавобгар ҳисобланувчи тармоқли ташкилотлар. Бу ерга у ёки бу институтларга хизмат кўрсатувчи ташкилотлар кирмайди.
Корхоналарни техник қайта жиҳозлаш - қайта таъмирлаш элементларидан бири, участкалар, цехлардаги асосий фондларнинг фаол қисмининг техник ва иқтисодий даражасини юксалтиришга, янги техника, технологиялар, янги материаллар ва энергетика ресурсларидан фойдаланишга қаратилган чора-тадбирларни ўз ичига олади.