1-Mavzu. Qurilishning respublika iqtisodiyotida tutgan o‘rni

Мавзу бўйича таянч иборалари
Бошқарув. Бошқарув субъекти. Бошқарув объекти. Бошқариш жараёни. Бошқариш цикли. Бошқариш таъсири. Бошқарувчанликни нормалаш. Очиқ тизим. Ташқи муҳит. Қурилишда бошқаришнинг асосий масалалари. Қурилишдаги бошқариш вазифалари. Тизим. Бошқариш тизими. «Давархитектқурилиш». Ташкилий тузилма. Хусусий қурилиш фирмалари. Қурилиш фирмаси мулки. Фирма молиявий ресурслари.
 
Изоҳли луғат
Бошқарув – бу чуқур таҳлилни, ишланмаларни ва маълум мақсадларни тўғри қўйишга қаратилган, макон ва замонда тўхтовсиз амалга ошириладиган мақсадга йўналтирилган жараёндир. Лекин бошқарув бирор нарса ёки биров томонидан бошқарилсагина вужудга келади. Бу аснода бошқариш ҳақидаги фан, бошқарув субъекти ва объекти тушунчасини киритади.
Бошқарув субъекти - бу жисмоний ёки юридик шахс бўлиб, ҳукумат органлари томонидан ва амалдаги қонунчилик бўйича берилган ваколатлар бўйича таъсир ўтказиш имконитига эга бўлади.
Бошқарув объекти – бу бошқарув субъектининг таъсир ўтказиш (бошқарув таъсири) объекти бўлиб, ҳуқуқий ва жисмоний шахслар, ижтимоий-иқтисодий жараёнлар, ишлаб чиқариш ва хўжалик тизимлари бошқарув объекти бўла олади.
Тизим – бу бир бутунликни ташкил қиладики ўзаро боғлиқ бўлган элементларнинг тартибланган комплексидир.
Назорат ва муҳокама учун саволлар.
1. Бошқаришнинг субъекти ва объекти тушунчалари ва уларнинг қурилишдаги функциясини мазмунини очиб беринг.
2. Қурилишда бошқарув қайси вазифаларни амалга оширади.
3. Қурилишда бошқарув тамойиллари деганда нимани тушунасиз?
4. Қурилишнинг замонавий бошқарув тизими қандай?
5. Қурилишни бошқариш тизимини такомиллаштириш йўналишлари сизнингча нималарни ўз ичига олиши керак?
6. Хусусий пудрат ташкилотлари ва фирмаларини ташкил этиш истиқболлари қандай?
7. Қурилишда бошқаришни такомиллаштириш бўйича қандай янги ҳуқуқий хужжатлар қабул қилинди?