1-mavzu. O‘zbekistonda loyiha boshqaruvi muhiti

4- mavzu. Loyiha integratsiyasini boshqarish

1. 
   Loyiha boshqaruvi, Dastur boshqaruvi va Strategiyani tashkil etishning o‘zaro bog‘liqlik uchburchagi
   
2. 
   Loyiha ishtirokchilari o’zaro munosabatlari tizimi va tashkiliy tuzilma
   
3. 
   Loyihani boshqarishning tashkiliy tuzilmasini shakllantirish tamoyillari
   
4. 
   Biznes qiymati va loyiha qiymati: investitsiya loyihasida biznes qiymatining ko‘payishi
   
5. 
   Loyihani boshqarishda menejerning roli
   

1. 
   Loyiha boshqaruvi, Dastur boshqaruvi va Strategiyani tashkil etishning o‘zaro bog‘liqlik uchburchagi
   

Loyihaning tug‘ilish jarayoni biror bir narsani amalga oshirish va ma’lum bir natijaga erishish to‘g‘risida g‘oya (fikr) paydo bo‘lishidan boshlanadi.

Maqsadni belgilash -loyihalarni ro‘yobga chiqarishning zaruriy sharti bo‘lib, u bir yoki bir necha yo‘nalishlarda mujassamlashishi mumkin.

Loyiha maqsadi (project objectives) – berilgan shartlarga binoan loyihani amalga oshirish natijasida kutilayotgan natija.

Har bir loyiha kamida uchta ko‘rsatkich bilan tavsiflanadi:

• 
  sifat;
  
• 
  vaqt;
  
• 
  xarajatlar.
  

Maqsadlar ierarxiya ustivorligiga qarab :

1-darajali maqsad – missiya;

2-darajali maqsad – loyihaning zaruriy maqsadi;

3-darajali maqsad – loyihadan kutilayotgan maqsad.

Loyihaning asosiy maqsadi (main objective), yoki missiya (mission) – bu asosiy, loyiha natijalaridan keyinchalik foydalanish maqsadida uni ro‘yobga chiqarishning asosiy sababi.

Loyihaning zaruriy maqsadi (required project goals) – loyihani boshqarishning turli bosqichlari oraliq maqsadlari.

Loyihadan kutilayotgan maqsad (desired project goals) – loyihaning ayrim ishtirokchilari erishishi mumkin bo‘lgan maqsadlardir.

Natijalar – o‘lchanadigan, berilgan topshiriq yoki talablar – bajariladigan bo‘lishi muhimdir.

Loyihalarni boshqarishda vaqt, byudjet, resurslar va olinayotgan natijalar sifati jihqtidan cheklovlar yuzaga kelishi mumkin.

Loyihalar maqsadlarini yaqqol (rasmiy hujjatlarda ko‘rsatilgan) va noyaqqol (konfidensial va hatto nolegal bo‘lib, hech qaerda bayon etilmagan) bo‘lishi ham mumkin

Loyihalarni boshqarishning keyingi muhim tarkibiy qismi – bu loyiha stra­tegiyasi (project strategy)bo‘lib, unda loyiha missiyasi va maqsadlariga erishish jarayoni, harakatlari va natijalari aniqlanadi. Loyiha strategiyasi uni amalga oshirishning dastlabki bosqichidayoq ishlab chiqilishi kerak. Loyiha ishlab chiqilish jarayonida u o‘zgartirib yoki yangilanib borishi mumkin. Loyiha strategiyasini yaratish jarayoni quyidagi bosqichlardan iborat:



2. Loyiha ishtirokchilari o’zaro munosabatlari tizimi va tashkiliy tuzilma.

Loyihani boshqarishda loyiha ishtirokchilari yoki mutaxassislar jamoasi, loyiha boshqaruvchisining to‘g‘ri tanlanishi muhim o‘rin tutadi.

Loyihani boshqarish - loyiha maqsadlariga erishish uchun faol harakat qiluvchi insonlar guruhining ish faoliyatidir. Jamoa faoliyatining samaradorligini ta’minlash uchun quyidagi savollarga javob topish zarur:

• 
  jamoa a’zolari va rahbarga qanday talablar qo‘yiladi?
  
• 
  samarali jamoani shakllantirish uchun nimalarpga e’tibor qaratish zarur?
  
• 
  jamoa ishini qanday tartibda tashkil etish zarur?