1-mavzu. O‘zbekistonda loyiha boshqaruvi muhiti

Loyiha ishtirokchilari – loyihani amalga oshirishdan manfaatdor bo‘lgan jismoniy shaxs yoki tashkilotlardir. Aniq loyiha ishtirokchilari soni loyihaning o‘ziga xos xususiyatlariga ko‘ra bir donadan o‘nlab yoki yuzlab ishtirokchilardan iborat bo‘lishi mumkin.

Loyihani amalga oshirishda loyiha egasi yoki buyurtmachi asosiy o‘rin tutib, u jismoniy shaxs, xususiy tadbirkorlik sub’ekti, bir necha tadbirkorlik sub’ektlari yoki davlat idoralari bo‘lishi mumkin.

Loyihani amalga oshishi buyurtmachining loyihani moliyalash qobiliyatiga bog‘liq. Agar buyurtmachining o‘z mablag‘lari loyihani moliyalashtirish uchun etarli bo‘lmasa, u investorlarni jalb qilishi mumkin. Investorlar har qanday mulk shaklidagi korxona yoki tashkilotlar, davlat, idoralar, jismoniy shaxs yoki xorijiy korxonalar bo‘lishi mumkin. Qisqa muddatli loyihalarni moliyalashda buyurtmachi bank kredit resurslaridan yoki boshqa moliya-kredit muassasalari xizmatidan foydalanishi mumkin.

Ijtimoiy, madaniy, siyosiy va boshqa notijorat loyihalarda homiylarning ishtiroki ham kutilishi mumkinki, ular qaytarib olmaslik sharti bilan to‘liq yoki qisman moliyalashni amalga oshiradi.