1. Мавзу: Оила социологияси фанининг шаклланиш босқичлари

Ижтимоий ҳаракат – ижтимоий ўзгаришларни амалга ошириш ёки тўсқинлик қилиш учун жалб этилган одамларнинг катта гуруҳи.
Ижтимоийлашув – индивиднинг ижтимоий меъёрлар ва қадриятларни ўзлаштириш жараёни бўлиб, бу жараёнда у шахс сифатида шаклланади.
Ижтимоийлашув агентлари – ижтимоийлашувнинг энг муҳим жараёнлари юз берадиган гуруҳлар ёки ижтимоий контекстлар.
Иккиламчи гуруҳ – бир-бирлари билан шахсан таниш бўлмаган индивидлар гуруҳи.
Ирқчилик – муайян жисмоний хусусиятларга эга бўлган одамларга афзаллик ёки камситилиш тавсифларини тиркаш.
Ислоҳот – мавжуд ижтимоий тузум асосларига путур етказмасдан ижтимоий ҳаётнинг бирон-бир соҳасини ўзгартириш, ҳар қандай янгиликни жорий этиш.
Ичкаридан кузатиш – гуруҳ ёки ҳамжамиятлар фаолиятида социологнинг ўзи иштирок этишини назарда тутувчи тадқиқот усули.
Иқтисодиёт – муайян жамиятлардаги индивидларнинг моддий эҳтиёжларини қониқтиришга йўналтирилган ишлаб чиқариш ва айирбошлаш тизими.
Корелляция – икки катталик ёки ўзгарувчанлик орасидаги статистик шаклда ифодаланадиган барқарор муносабат.
Лидерлик – индивид томонидан гуруҳ лидерлигига хос лаёқат ва сифатларнинг намоён этилиши.
Маданий такрор ишлаб чиқариш – маданий қадриятларнинг авлоддан авлодга ўтиши.
Маданият – жамият учун хос бўлган қадриятлар, меъёрлар ва моддий ишлаб чиқариш.
Макросоциология – катта кўламдаги гуруҳлар, ташкилотлар ёки ижтимоий тизимларни ўрганиш.
Манфаат – индивид ёки ижтимоий гуруҳнинг у ёки бу эҳтиёжларини қондириш билан боғлиқ йўналганлиги.
Мафкура – муайян ижтимоий гуруҳ, қатлам, миллат, жамият, давлат манфаатлари, орзу-истак ва мақсад-муддаолари ифодаланган ғоявий-назарий қарашлар ва уларни амалга ошириш тизими.
Менталитет (лот. mens – ақл, идрок) – жамият, миллат, жамоа ёки алоҳида шахснинг таркиб топган тафаккур даражаси, маънавий салоҳияти, ҳаёт қонунларини таҳлил этиш кучи, муайян, ижтимоий шароитларда шаклланган ақлий қобилияти.