1-мавзу. Микроиқтисодиёт фаннинг мазмуни, мақсади ва вазифалари

1-мавзу. Микроиқтисодиёт фаннинг мазмуни, мақсади ва вазифалари

1. 
   Микроиқтисодиёт фаннинг мақсади ва вазифаси.
   
2. 
   Чекланган ресурсларни тақсимлашнинг бозор механизми.
   
3. 
   Бозор ва унинг вазифаси.
   
4. 
   Бозор билан боғлиқ бўлмаган фаолият, мулкка эгалик қилиш – бозор алмашувининг асосий шарти.
   

Микроиқтисодиёт фани - иқтисодиётнинг ҳал қилувчи дастлабки буғини бўлган фирма, корхона ва ундан хам кичик бўлган корхоналар, микрофирмалар, турли хил ҳалқ хўжалиги соҳаларидаги хизмат ишларини бажарувчи хўжалик ва ташкилотларда бозор қонунлари таъсирида содир бўладиган иқтисодий жараёнлар, ҳодисаларни, иқтисодий қонунлар ҳаракатини, уларни намоён булиш шарт-шароитларинн, оқибатларини ўрганиб, таҳлил қилиб, хулосалар чиқаради.
Бу жараёнда - истеъмолчилар, ишчилар, ер эгалари, сармоя қўювчилар, фермерлар, ишлаб чиқариш, турли корхоналар, хуллас, иқтисодиёт соҳасида фаолият кўрсатишда мухим рол ўйнайдиган ҳар қандай индивидуал, яъни жисмоний шахс ёки хўжалик субъектлари иштирок этади. Товарларнинг нисбий нархи, алоҳида бозорлар, мақсадга эришиш учун аниқ турдаги ресурсларнинг тақсимланиши уларнинг диққат марказида туради. Микроиқтисодиёт харидорлар нима учун шу товарларни харид қилишга рози бўлганлигини, бунга товар баҳосини, ўз даромадлар таъсирини, корхонада қанча ишчи ишлаши кераклигини, аниқ турдаги товарларга нарх қандай қуйилишини, қанча ҳажмда маҳсулот ишлаб чиқариш зарурлигини, корхоналар фаолиятига давлат сиёсати ва бошқа давлатлардаги шароитлар қандай таъсир этишини тушунтиради.
Микроиқтисодиёт (грекча:"микро" -"кичик" дегани) иқтисодиётнинг дастлабки, ҳал қилувчи бўғинларидаги иқтисодий ҳодисаларни ўрганади.
Унинг иқтисодий мақсадлари қуйидагилардир:

• 
  иқтисодий ўсишни таъминлаш;
  
• 
  иш билан бандлик даражасини ошириш;
  
• 
  иқтисодий самарадорликка эришиш;
  

- иқтисодий эркинлик;
- даромадни тўғри тақсимлаш;

• 
  савдо баланси ва б.