|
Tavakkalchilikni (yo’qotishlarni) pasaytirish
Tavakkalchilikni pasaytirishning quyidagi turlari mavjud: diversifikatsiya, sug’urtalash, tavakkalchilikni taqsimlash, axborot izlash.
Diversifikatsiya usulida tavakkalchilik bir necha tovarlarga taqsimlanadi, ya’ni biror tovarni sotish (sotib olish) yuqori tavakkalchilik bilan bog’liq bo’lishi boshqa bir tovarni sotishdan (sotib olishdan) bo’ladigan tavakkalchilikni kamaytirishga olib keladi.
Tavakkalchiliklarni sug’urtalash - ushbu usul tasodifiy yo’qotishlarni o’zgarmas xarajatlarga aylantirish orqali tavakkalchilikni kamaytirishga qaratilgan.
Tavakkalchilikni taqsimlash - ushbu usulga ko’ra zarar ko’rish ehtimoli bilan bog’liq bo’lgan tavakkalchilik bilan qatnashuvchi sub’ektlar o’rtasida shunday taqsimlanadiki, oqibatda har bir sub’ektning kutiladigan yo’qotishi nisbatan kichik bo’ladi. Bunda shirkat firmalari tashkil etilib, uning kapitali bir necha sheriklarga qarashli bo’ladi.
Axborot bilan ta’minlash yoki izlash ham tavakkalchilikni kamaytiradi. Nima uchun deganda, axborotning yetishmasligi noto’g’ri qaror qabul qilishga olib keladi. Hozirgi vaqtda axborot asosiy taqchil resurslardan biri bo’lib, uni olish uchun haq to’lash kerak, ya’ni axborot olish xarajat bilan bog’liq, ba’zi axborotlar nihoyatda qimmat turadi. SHuning uchun ham kerakli bo’lgan axborotdan qancha olish kerak deganda, uning chekli xarajati bilan chekli nafini solishtirib ko’rish kerak bo’ladi.Bozor axboroti 2 xil bo’ladi: Simmetrik axborotlashgan bozor va asimmetrik axborotlashgan bozor.
Simmetrik axborot bozordagi vaziyatni to’la aks ettiradi, ya’ni u to’laroq bo’ladi. Masalan, bozor signallari narxning ortib borishi haqida xabar beradi, bu bozordagi talabning oshib borishini bildiradi. Buni e’tiborga olgan firma xatardan qochish yo’lini izlaydi.
Asimmetrik axborotlashgan bozor. Asimmetrik axborot - bu shunday holatki, bozordagi bozor sub’ektlari o’rtasida bo’ladigan savdo-sotiqda ularning bir qismi kerakli, muhim axborotga ega, qolgan qismi esa ega emas.
Mahsulot sifati noaniqligi. Avtomobil va sug’urta bozoridagi asimmetrik axborot
Sug’urtalash bozori
Ma’naviy tavakkalchilik (yo’qotish)
Bozordagi asimmetrik axborotlarni yo’qotish yo’llari.
Bozor signallari.
Auktsionlar. Auktsionlar ham axborotlardagi asimmetriyani yo’qotadigan bozor hisoblanadi. Noyob san’at namunasiga, tez buziladigan mahsulotlarga (sabzavot, meva, baliq) narxlar sotish vaqtida o’rnatiladi. Auktsionlarning asosan ikki turi mavjud: Ingliz va Golland auktsionlari.
Ingliz auktsioni - bu auktsionda stavka pastdan yuqoriga qarab oshib boradi va bu oshish taklif qilingan maksimal narxda tovar sotilguncha davom etadi. Ushbu auktsionda asosan san’at namunalari, zebu-ziynatlar va hokazolar sotiladi.
Golland auktsionida - stavkalar yuqoridan pastga qarab, toki tovar minimal mumkin bo’lgan narxda sotilgunga qadar tushib boradi. Ushbu auktsionda vaqt muhim ahamiyatga ega, nima uchun deganda auktsionda asosan tez buziladigan tovarlar sotiladi: gullar, sabzavotlar, mevalar, baliq va hokazolar sotiladi.
Olib sotarlik va uning iqtisodiyotdagi o’rni. Olib sotarlik (savdogarlar) deganda, foyda olish maqsadida biror tovarni sotib olib, uni yuqori narxda sotish faoliyati tushuniladi.
Tavakkalchilikni pasaytirshda fyucherslar, optsion va xedjirlashtirishlar ham muhim rol o’ynaydilar.
Fyucherslar - bu oldindan belgilangan narxlarda ma’lum miqdordagi tovarlarni kelajakda ma’lum kunda yetkazish uchun tuzilgan muddatli shartnoma.
Optsion yoki mukofotga ko’ra savdo-sotiq - bu fyuchersning bir turi bo’lib, unga ko’ra bir tomon komission to’lov asosida biror tovarni kelajakda sotib olish yoki sotish huquqini oldindan kelishilgan narxda sotib oladi. SHuni aytish kerakki, fyuchers ham, optsion ham tovarlar narxini vaqt bo’yicha tekislashga yordam beradi.
Xedjirlashtirish - bu operatsiya bo’lib, unga ko’ra fyucherslar bozori va optsionlar bozori yordamida bir tavakkalchilik boshqa bir tavakkalchilik bilan qoplanadi. Ushbu operatsiyaning mohiyati shundan iboratki, narxlar o’zgarishi bilan bog’liq tavakkalchilik (yo’qotishlar) savdogar zimmasiga yuklatiladi.
Tavakkalchilikka bo’lgan munosabat
Tavakkalchilikni butunlay yo’qotib bo’lmaydi , lekin kamaytirish mumkin.Hamma narsa tavakkalchilikni firma rahbari qanday boshqara olishida qoladi.
Insonlar tavakkalchilikga borishga tayyorligi bilan bir-biridan farq qiladi. Insonlar tavakkalchilikga borishga tayyorligi bo’yicha uch turga bo’linadi: tavakalchilikka borishga moyil insonlar, tavakkalchilikka borishga qarshi, ya’ni moyil emas va tavakkalchilikka befarq qaraydigan insonlar.
Tavakkalchilikka befarq qaraydigan inson shunday inson hisoblanadiki, kutiladigan daromad berilganda, u kafolatlangan natija bilan tavakkalchilik bilan bog’liq natijalarni tanlashga befarq qaraydi.
Tavakkalchilikka moyil bo’lgan inson, shunday inson hisoblanadiki, kutiladigan daromad berilganda u kafolatlangan natijaga ko’ra tavakkalchilik bilan bog’liq natijani ustun ko’radi.
BOZOR IQTISODIYOTI SHAROITIDA FIRMALARDA ISHLAB CHIQARISH XARAJATLARI
1.Firmaning qisqa va uzoq muddatli oraliqdagi faoliyati.
Firmaning ishlab chiqarishi va xarajatlari to’g’risida gapirganda ularni ikki xil vaqt oralig’ida qarash lozim, qisqa muddatli va uzoq muddatli.
Qisqa muddatli oraliq - bu shunday vaqt oralig’iki, firma bu oraliqda faoliyat ko’rsatganda, u ishlab chiqarish omillaridan kamida bittasining hajmini o’zgartira olmaydi. Bunday omilga o’zgarmas ishlab chiqarish omili deyiladi.
Uzoq muddatli oraliq - bu oraliqda firma ishlab chiqarishda foydalanayotgan barcha ishlab chiqarish omillari hajmini (ishlab chiqarish quvvatini ham) o’zgartiradi. Uzoq muddatli oraliqda barcha ishlab chiqarish resurslari o’zgaradi va bunday resurslarga o’zgaruvchan resurslar deyiladi.
2.Ishlab chiqarish xarajatlari mazmuni va tarkibi.
Har qanday tovarni ishlab chiqarish va sotish uchun ma’l um sarf xarajatlar talab etiladi.Ishlab chiqarish xarajatlari deganda – tovar va xizmatlarni ishlab chiqarish va iste’molchilarga yetkazib berishga qilinadigan barcha sarflar tushiniladi. Ishlab chiqarishga qilingan barcha sarf xarajatlarning puldagi ifodasi tannarx deyiladi.Ishlab chiqarish xarajatlarini 2 ga bo’lib o’rganish mumkin: bevosita ishlab chiqarish xarajatlari va muomala xarajatlari.
Bevosita ishlab chiqarish xarajatlari
Muomala xarajatlari tushunchasi tovarlarni sotish jarayoni bilan bog’liq bo’lib, shu tovarlarni ishlab chiqaruvchidan olib, iste’molchiga yetkazguncha ketadigan sarflarga aytiladi, ular 2 guruhga bo’linadi:
Qo’shimcha muomala xarajatlari va sof muomala xarajatlari.
Qo’shimcha muomala xarajatlari – tovarlarni o’rash, qadoqlash, saralash, ortish, tashish va saqlash xarajatlariga aytiladi. Muomala xarajatlarining bu turlari ishlab chiqarish xarajatlariga yaqin turib, tovar qiymatiga kiradi va uning qiymatini oshiradi. Xarajatlar tovar sotilgandan so’ng olingan pul tushumi summasidan qoplanadi.
Sof muomala xarajatlari sotuvchi maoshi, marketing, reklama va shu kabi xarajatlardan iborat bo’ladi.
Hozirgi zamon sarf xarajatlar g’oyasi bo’yicha korxona ishlab chiqarish jarayonida foydalaniladigan resurslar o’z resurslari va jalb qilingan resurslar bo’lishi mumkin. SHunga ko’ra xarajatlar ichki va tashqi xarajatlarga bo’linadi.
Tashqi xarajatlar korxona o’zi uchun zarur resurs va xizmatlarga to’lovlarni amalga oshirishi natijasida vujudga keladigan xarajatlardir.
Korxonaning o’ziga tegishli bo’lgan resurslardan foydalanishi bilan bog’liq xarajatlar ichki xarajatlar deyiladi. Tashqi va ichki xarajatlarning yig’indisi alternativ yoki iqtisodiy xarajatlarni tashkil qiladi. Alternativ xarajatlar, firmaning resurslaridan eng yaxshi variantda foydalanishi bilan bog’liq yo’qotilgan imkoniyatlardir.
3.Firmalarda xarajatlar va ularning turlari.
O’zgarmas xarajat (FC - fixed cost) - bu qisqa muddatli oraliqda mahsulot ishlab chiqarish hajmiga bog’liq bo’lmagan xarajatdir (mahsulot ishlab chiqarish hajmi oshganda ham, kamayganda ham o’zgarmaydigan xarajat). O’zgarmas xarajatlarga binodan, texnikadan, inshootlardan, ishlab chiqarish uskunalaridan foydalanish bilan bog’liq xarajatlar, ijara haqi, kapital ta’mirlash, ma’muriy xarajatlar kiradi.
O’rtacha o’zgarmas xarajat (AFC - Average Fixed Cost) - bir birlik mahsulotga to’g’ri keladigan o’zgarmas xarajat bo’lib, u quyidagicha aniqlanadi:
 . (5)
O’rtacha o’zgarmas xarajat mahsulot hajmi oshishi bilan kamayib boradi.
O’zgarmas xarajat  va o’rtacha o’zgarmas xarajatlar  chizig’i grafikda quyidagicha tasvirlanadi (6.1-rasm).
6.1-rasm.  va  chiziqlari grafigi.
Do'stlaringiz bilan baham: |
