1-mavzu. Menejment faning predmeti, ob’ekti va usuli

2.6. O‘rta Osiyada menejmentning nazariy asoslari va tamoyillari
O‘rta Osiyoda menejmentning nazariy asoslari va uning asosiy prinsiplari qadim zamonlarda ham u yoki bu ko‘rinishda mavjud bo‘lgan. Ammo ular amir Temur hukmronligi davrida kelib ma’lum shaklni kasb etgan, bunga Amir Temurning “Temur tuzuklari” asari yorqin misol bo‘la oladi.
“Temur tuzuklari” jahonga mashhur asardir. Uning qo‘lyozma nusxalari dunyoning deyarli barcha mamalakatlari (Hindiston, Eron, Angliya, Daniya, Fransiya, Rossiya, Germaniya, Armaniston,O‘zbekiston va b.) kutubxonalarida mavjud. Asar ikki qismdan iborat.
Birinchi qism Amir Temurning o‘z davlatini barpo etish uni har jihatdan mustahkamlash, mukammal qurollangan qudratli qo‘shin tuzish borasida tadbiq etgan “tuzuklari” va rejalaridan iborat bo‘lib, unda hatto qo‘shinning jangovor sarflanish tartibi ham maxsus jadvallar orqali ko‘rsatib berilgan.
Asarning o‘n uch qism (kengash) dan iborat ikkinchi bobida esa Sohibqironning kuchli feodal davlatni barpo etish, qo‘shin tuzish va dushman lashkarini sindirish yuzasidan tuzgan kengashlari va amalga oshirirgan ishlari o‘z ifodasini topgan.
“Tuzuklari” muallifning fikricha, har bir sohibi toj davlat va jamiyat ma’lum ijtimoiy-siyosiy guruhga tayangan holda boshqarishi lozim.
Davlatni idora qilishda vazirlar. Amirlari va viloyatlarda o‘tirgan noiblarning roli benihoya katta bo‘lgan. Shuning uchun ham amir Temur ularni tanlash va vazifalarga tayanish ishiga alohida ahamiyat bergan. Ular Sohibqironning fikricha sadoqatli, axloqiy pok, adolatpesha, tinchliksevar va tashabbuskor odamlar bo‘lishi kerak. “Tuzuklar” muallifning fikriga ko‘ra, masalan, vazirlar to‘rt sifatga ega bo‘lishlari shart.

1. 
   Asillik, toza nastlik va ulug‘vorlik.
   
2. 
   Aqlu farosatlik.
   
3. 
   Sipoh bilan raiyat ahvolidan boxabarlik va ularga g‘amhurlik ko‘rsatish, ular bilan yaxshi muomalada bo‘lish.
   
4. 
   Sabru bardoshlilik, muloyimlik.
   

“Tuzuklar” da keltirilgan ma’lumotlarga ko‘ra Amir Temur o‘z davlatini, bir uchi Chinu Mochin va ikkinchi uchi Shom hududida bo‘lgan ulkan malakatni bor yug‘i etti nafar vazir yordamida boshqargan. Bular 6-jadvalda berilgan.