1-мавзу: Менежмент асослари фанининг предмети ва вазифалари

Менежмент асослари фанининг предмети бошқарув фани сифатида кўп сонли ҳодисаларни қамраб олади. Менежмент асослари фанининг предмети-бу бошқарув тизимини ривожланиш қонунлари ва қонуниятларини ўрганишдан иборатдир. Ушбу предметни ўрганишда қуйидаги усуллардан фойдаланилади:

• Тизим усули бошқарув муаммоларини ечишда ишлатилади ва тизимни бир бутунлигига асосланади. Тараққиёт топган давлатларда менежментнинг бир неча кўринишлари ишлатилади: тизимли, мажмуали, тизимли-таркибий, тизимли-функционал, тизимли-коммуникацион ва бошқалар.
• Изланишнинг комплекс усули воқеаларни ва уларни бир-бири билан бўлган алоқаларини фақат ушбу фан усули билан эмас, балки бошқа бир хил ҳодисаларни ўрганувчи фанлар билан ўрганади.
• Изланишнинг таркибий усули. Бу мураккаб ҳодисаларни таркибий бўлакларга ажратишдан иборат.
• Вазиятли ёндашиш. Бу бошқарув фаолиятининг мақбул усулларини ички ва ташқи шароитга қараб белгилаш.

• Моделлаштириш усули. Бу тизимли ёндашиш билан яқиндан боғланган. Ушбу усул билан бошқарувда такомиллашган бошқарув шаклларини бунёд этиш имкониятлари ўқиб, ўрганилади.
• Кузатиш усули. Ушбу усул орқали ташкилотда белгиланган вақт оралиғида иқтисодий жараёнлар кузатилади ва зарурий хулосалар қилинади.
• Интеграцион ёндашув. Бошқарилувчи объект юқоридаги усуллар (вазиятли, комплексли, таркибий ёндашувлар)ни биргаликда қўллаш ёрдамида бошқарилади.
• Иқтисодий-математик ёндашув. Мақбул қарор қабул қилиш мақсадида математик услублар ва ҳисоблаш машиналарини кенг миқёсда қўллаш.
• Тажриба усули. Бошқариш жараёнида бошқарилувчи объектга нисбатан намунавий тажрибадан ўтган усулларни қўллаш.
• Социологик кузатув усули. Бошқариш мақсадида турли анкетали сўровлар, суҳбатлар, тестлар, инфратузилмавий таҳлилларни ўтказиш.

Менежмент асослари фанининг предмети бошқарув фани сифатида кўп сонли ҳодисаларни қамраб олади. Менежмент асослари фанининг предмети-бу бошқарув тизимини ривожланиш қонунлари ва қонуниятларини ўрганишдан иборатдир. Ушбу предметни ўрганишда қуйидаги усуллардан фойдаланилади: